ALAMIN ANG KAHIT NA ANONG BAGAY TUNGKOL SA KALUSUGANG SEKSUWAL AT REPRODUKTIBO

Abnormal Na Pagdurugo Ng Ari Ng Babae

abnormal vaginal bleeding, reproductive health, family planning

Ang abnormal na pagdurugo ng ari ay kapag nakakaranas ka ng pagdurugo sa ibang mga araw maliban sa pagregla. Kabilang dito ang:

  • Pagdurugo sa pagitan ng regla.
  • Pagdurugo pagkatapos magtalik.
  • Paglabas ng dugo anumang araw kahit walang regla.
  • Labis na pagdurugo kaysa sa normal.
  • Pagdurugo pagkatapos ng menopos.

Ang abnormal na pagdurugo ay maaaring magkaroon ng maraming dahilan. Sa mga kabataan at mga kababaihan na malapit sa menopos, ang mga pagbabago sa mga hormon ay maaaring maging sanhi ng matagal na pagregla at ang mga iregular na regla. Ang iba pang kadahilanan ay maaaring kasama ang:

  • Mga fibroid sa matris
  • Impeksyon sa mga organong reproduktibo
  • Kanser
  • Matinding stress
  • Labis na dagdag o bawas sa timbang

Kahit na ang dahilan ay ang mga pagbabago sa mga hormon, maaari pa ring magamot. Kung nakakaranas ng abnormal na pagdurugo, makipag-usap sa iyong tagapagbigay ng serbisyong pangkalusugan.

Pinagmulan:

https://www.healthline.com/health/vaginal-bleeding-between-periods#seek-medical-help

Please follow and like us:
error

42 thoughts on “Abnormal Na Pagdurugo Ng Ari Ng Babae

  1. Bakit po ba kahit tapos nako mag regla magkakaron ulit ako after 1week. Bakit po pag magkakaron ako 2 weeks bago.matapos? Help nman po Hindi po kame magkaron ng anak ng asawa ko

    1. Hi Joana! Dahil sa pagbabago ng antas ng mga hormon, maaaring makaranas ng spotting o light bleeding kahit hindi ka pa dapat nireregla. Ngunit kung medyo marami-rami ang nilalabas na dugo at ito’y nakakabahala na, mainam na kumunsulta sa healthcare provider upang ika’y masuri kung ano ang sanhi at mapayuhan kayo kung ano ang pwedeng gawin.

    1. Hi Sheila! Maaaring sanhi ng spotting ang pagbabago ng antas ng mga hormon. Ngunit, kung medyo marami na ang lumalabas na dugo, madalas itong mangyari, at mga tatlong buwan na itong nangyayari, mainam na ikonsulta na ito sa healthcare provider upang masuri kung ano ang sanhi nito at kung kailangan mo ng treatment.

  2. Bakit po dinudugo ako kahit tapos na ako mag regla? Mahigit 3 linggo na at hindi parin tumitigil ang pagdurugo at hindi ko sinasadya nag sex kami ng asawa ko pagkita ko sa aking panty may dugo na lumabas kase kala ko sa araw na iyon tumigil na ang pagdurugo ko at mahigit 6 na buwan nung ako’y nanganak ano po ba ang maari kung gawin?

  3. Hi gusto ko lang malaman kong baket tapos nako mag regla ng Nov. 18 tapos after 3days may ron na ulet, Nov 22 nilabasan ako ng buong dugo, di naman ako irregular ngayon lang ako nagka ganito. Nov 21 nag pacheck up ako nag Urinalysis test ako at May UTI daw ako niresitahan ako ng ciprofloxazin uminom ako ng Nov 22morning and yon pag ihi ko may namumuong dugo sa bowl. Okay ba to? O dangerous na. Thank you po!

    1. Hi Jane! Maaaring spotting ito o pahabol sa iyong regla. Kung mangyari pa uli ito nang ilang araw o nakaranas ng iba pang nakakabahalang sintomas, mainam na ikonsulta ito sa doktor upang masuri kung ano ba ang sanhi.

    1. Hi Reg! Maaaring sanhi ito ng priksyon o kiskisan habang nagtatalik, o kakulangan sa pampadulas o lube sa pagtalik. Karaniwang kusang nawawala naman ang sanhi ng pagdurugo. Ngunit mainam na ikonsulta ito kaagad sa doktor kung ika’y nakakaranas ng iba pang sintomas gaya ng pangangati, pangingirot kapag umiihi, matinding pagdurugo, pananakit ng puson, kakaibang vaginal discharge, o sa tingin mo ika’y may impeksyon.

  4. Bakit po pagkatapos namin magtalik ng asawa ko merong pagdudugo po sa aking pwerta wala naman po ako unusual na nararamdaman at kakaibang napapansin.Posible po ba magkaroon pa rin ng cervical cancer kahit ako po ay may vaccine against dito?

    1. Hi Mhadz! Kung nakumpleto mo lahat ng dosis ng vaccine, ika’y protektado dapat. Ang pagdugo ng pwerta pagkatapos ng pagtalik ay maaaring sanhi ng priksyon o kiskisan habang nagtatalik, kakulangan sa pampadulas o lube sa pagtalik, o sugat sa pwerta na nakuha dahil sa pagtalik. Karaniwang kusang nawawala naman ang sanhi ng pagdurugo. Ngunit mainam na ikonsulta ito kaagad sa doktor kung ika’y nababahala at nakakaranas ng iba pang sintomas gaya ng pangangati, pangingirot kapag umiihi, matinding pagdurugo, pananakit ng puson, kakaibang vaginal discharge, o sa tingin mo ika’y may impeksyon.

  5. Hi tanong ko lang kasi Nov 22 nagkaroon ako tapos sa pangalawang araw ng regla ko ay uminom ako ng gin. Hindi ko alam kung naka apekto ba ito pero Nov 29 kasi bigla ko na lamang napansin na may lumalabas na sobrang dark na dugo pero hindi siya ganon kadami
    Ano ba ang ibig sabihin nun? May connection ba doon ang pag inom ko

    1. Si Safiya! Minsang ang paginom ng alkohol ay sanhi ng irregularities sa menstruation. Ngunit kung palagi kang nakakaranas ng spotting kahit tapos na ang iyong mens, mainam na ikonsulta ito sa doktor.

  6. Hello po..Bakit po ba di na ako dinudugo..Nung first regla ko naging normal naman po yun..Nagpatuloy yung normal hanggang 2 months then after to months bumalik sya nung sep. 2019 eyh last akong niregla 2018 oct 5 pa….Tas nung bumalik nung sep. 2019 di naman bumalik nung oct.

    1. Hi Kate! Mainam na ikonsulta ito kaagad sa doktor upang ika’y masuri at malaman ano ba ang sanhi ng irregular menstruation mo, at mapayuhan ka kung ano ang maaaring gawin ukol dito.

  7. Hi Gandang Gabi po ask ko lang po bakit po nagkaroonnpo ako ng dugo sa puwerta po after mkipagtalik po dumidikit lang po sa ari ng asawa ko ngunit hindi ko lumalabas pero umasakit po puson ko kahit wala pong dalaw.

    1. Hi Honey! Minsan ang priksyon, kiskisan, o kakulangan ng pampadulas habang nagtatalik ay nagiging sanhi ng konting pagdugo ng pwerta pagkatapos makipagtalik. Ngunit, kung ika’y laging nakakaranas ng pagdugo at pananakit ng puson tuwing nakipagtalik. Mainam na ikonsulta na ito kaagad sa doktor.

    1. Hi Evangeline! Hindi po kami certified medical professionals, at mas mabuti pa rin ang pumunta sa doktor upang magpakonsulta. Ang iyong nararanasan ay maaaring spotting o parang “pahabol” sa iyong regla. Marami ang maaaring sanhi nito. Ngunit ang pagkonsulta sa doktor ay makakatulong sa iyo matukoy kung ano ang talagang sanhi nito at masuri kung kailangan ng paggamot.

  8. Hello po, nakakaranas po akong makita sa underwear ko ng dugo na patak lang o parang ihi lang sa underwear. Nararanasak ko po ito after and before menstruation. Seryoso na po ba ito? Or normal lang?

    1. Hi Miean! Maaaring spotting lang ‘yan, at karaniwang normal lang ‘yan. Ngunit, mainam rin na obserbahan kung ito ba’y napapadalas at nakakabahala, at kung ika’y nakakaranas ng mga sintomas gaya ng pangangati ng ari, kakaibang vaginal discharge, hapdi o kirot kapag umiihi at nagtatalik, at pananakit sa puson o balakan. Kapag mayroon nang napansin na kakaiba, ikonsulta na ito kaagad sa doktor.

  9. Pwede mag tanong may naka sex po kase ako this october may nangyari samen niregla ako diba after 1week ikaw 3rdweek may nangyare samen ng bf ko then may nangyare ulit after 4days then niregla naman ako by nov1st regular naman regla ko that time 5days sya kaya di ako kinabahan then may nanguari nanaman samen nov16 and nov17 kung san yung week na malakas ang posibility na makabuo ng bata then nagulat ako nov 25 may spot sa panty ko nasundan ng 26 spot lang den at 27 spot padin hanggang sa lumakas na kinagabihan at nag tuloy tuloy natapos ng dec 1 dec 2 pahabol days kakaunti lang dec 3to5 spot again as jn konti then 6 mejo lumakas na kinailangan ko ng mag panty linear or napkin and nasundan ngayon 7 delikado kaya ito?

    1. Hi June! Ang spotting o pagdelay ng regla ay may maraming posibleng dahilan. Iilan na pwedeng sanhi ay stress, delay ng ovulation, edad, o timbang. Karaniwang walang kailangan ikabahala, ngunit minsan kondisyon na pala ang posibleng sanhi. Mainam na magpakonsulta na sa doktor kung may nararamdaman o napapansin nang ibang sintomas.

  10. hello po.. bakit po kaya ung regla ko dis month ng dec kakaiba!!? means dati pgniregla ako my buo2 nalabas n dugo at tinatagos po ako s napkin.. dis month pg nagtoilet lng aq nasama xa s ihi ko, naka napkin nmn po ako pero pg mg cr aq at tgnan ko napkin q wla po bahid ng dugo.. 3 days po n ganun ang pgdurugo q.. ndi po kaya buntis aq at ganun po ung sinasabi nilang pahabol.. salamat po

    1. Hi Maria Evelyn! Kung sa tingin mo na ika’y buntis, mabuting mag-pregnancy test pagkatapos ng pitong araw na wala ka pa ring regla. Ang spotting o pagdelay ng regla ay may maraming posibleng dahilan. Iilan na pwedeng sanhi ay stress, delay ng ovulation, edad, o timbang. Minsan kondisyon ang posibleng sanhi. Mainam na magpakonsulta na sa doktor kung may nararamdaman o napapansing ibang sintomas.

  11. Magandang umaga po…ako nga po pala c Ann
    ..problema ko po ang pagdurugo ng ari ko bali tatlong beses napo ngayung buwan na Ito…natatakot napo ako gusto ko pong malaman kung ano man ito ..sana matulungan nyo po ako…maraming salamat po

  12. May katanungan lng po ako simula na lay-gate po ako edad 24yr old tapos ang regla ko tuwing 3weeks nagkakaroon 3days natatapos nmn pero ngaun pagkatapos n regla ko nagtatalik kami ng asawa ko pagpinapasok lng nya May dugo dpa kami tumatagal.. parang regla den ung dugo.. bakit po ganun tapos nmn ako sa regla ko .. tas araw araw pagnagtatalik kmi May dugo ..d nmn sa panty ko nagkakaroon tagos..? Wala nmn ako nararamdaman sakit sa katawan ko.. ngaun lng po ako nakaranas ng ganito?

Mag-iwan ng Tugon

Ang iyong email address ay hindi ipa-publish. Ang mga kinakailangang mga field ay markado ng *

Modal's Close Icon