Anong Nagdudulot Ng Kakaibang Pagdurugo?
Kapag sinabing ‘spotting,’ ito ay kaunting pagdurugo mula sa pwerta kahit hindi ka pa dapat datnan ng regla. Tawag rin dito ay intermenstrual bleeding, kung saan nakakaranas ka ng spotting o pagdurugo sa pagitan ng mga regla.
Maraming nakakaranas ng intermenstrual bleeding. Hindi naman ito nakakabahala sa karamihan ng mga kaso, pero may iba na baka senyales na ito ng isang kondisyon.
Nakaranas ka na ba intermenstrual bleeding? Basahin mo kung ano ang maaaring sanhi nito.
Mga sanhi ng intermenstrual bleeding
Maraming puwedeng magdulot ng intermenstrual bleeding. Tandaan o isulat ang mga araw na napansin mo ito, pati na rin ang ibang sintomas na nararanansan mo kung mayroon man. Tutulungan ka ng iyong doktor malaman kung ano ba ang sanhi nito at papayuhan ka sa paggamot.
Hormonal Imbalance
Ang siklo ng regla ay pinamamahalaan ng dalawang hormon: ang estrogen at progesterone. Posibleng makaranas ka ng spotting kapag ang mga antas nila ay nawala sa balanse. Ilang bagay na maaaring makaapekto sa balanse ng iyong mga hormon ay:
- Dysfunctional ovaries
- Problema sa thyroid gland
- Pagumpisa o pagtigil ng pag-inom ng oral contraceptive pill (pero magbabalanse rin ito kalaunan)
Uterine fibroid
Ang mga uterine fibroid ay hindi nagdudulot ng kanser, at tumutubo ang mga ito sa loob ng matres. Karaniwang, sila ay benign at kusang lumiliit. Maliban sa intermenstrual bleeding, ang ibang sintomas ng mga fibroid ay:
- Mabigat o mahabang daloy ng regla
- Pananakit ng balakang
- Pananakit ng bandang ibabang likod
- Pananakit tuwing nagtatalik
- Problema sa pag-ihi
May ibang babae na baka walang maranasang sintomas.
Mga sexually transmitted infection
Ang mga sexually transmitted infection (STI) tulad ng chlamydia at gonorrhea ay puwedeng magsanhi ng intermenstrual bleeding o pagdurugo pagkatapos magtalik. Iba pang sintomas ng STI ay:
- Pananakit tuwing umiihi
- Puti, dilaw, o berdeng vaginal discharge
- Pangangati ng pwerta o anus
- Pananakit ng balakang
Madaling magamot at hindi magdudulot ng mga komplikasyon ang STI, basta lubos at maayos na nagamot nang maaga. Makipag-ugnay kaagad sa iyong doktor kung sa palagay mo mayroon kang STI.
Pelvic Inflammatory Disease
Puwede kang magkaroon ng pelvic inflammatory disease (PID) kung ang bakterya mula sa pwerta ay kumalat sa matres, mga fallopian tube, at obaryo. Ang pamamaga ng organong reproduktibo ay maghahantong sa pagsusugat. Iba pang sintomas ng PID maliban sa intermenstrual bleeding ay:
- Pananakit habang nagtatalik o umiihi
- Pananakit ng bandang itaas o ibaba ng puson
- Lagnat
- Labis o mabahong vaginal discharge
Makipag-ugnay kaagad sa doktor kung nakakaranas ka ng mga sintomas ng PID. maaari itong magamot at mapigilan lumala kung naagapan kaagad.
Kanser
Sa ilang kaso, may mga uri ng kanser na nagdudulot ng intermenstrual bleeding. Ito ay:
- Endometrial o uterine cancer
- Cervical cancer (kanser sa serviks)
- Ovarian cancer (kanser sa obaryo)
- Vaginal cancer (kanser sa puwerta)
Komplikasyon Sa Pagbubuntis
Maraming babae ang nakakaranas ng spotting o pagdurugo sa unang tatlong buwan ng kanilang pagbubuntis. Kaunti lang ang pagdurugo at karaniwang kulay rosas, pula, o kayumanggi.
Mga komplikasyon tulad ng pagkalaglag at ectopic pregnancy ay maaaring magsanhi sa pagdurugo habang nagbubuntis.
Kung nakakaranas ka ng pagdurugo, hindi naman ibig sabihin kaagad na komplikasyon na ito. Mabuting makipag-ugnay sa iyong doktor sa lalong madaling panahon kung nakakaranas ka ng pagdurugo habang nagbubuntis, lalo na kung marami ito at sinamahan ng pananakit ng balakang.
Kontrasepsyon
Normal lang makaranas ng intermenstrual bleeding sa unang tatlong buwan ng paggamot ng kontraseptibo gaya ng mga pill, IUD, implant, at injectable. Mawawala rin ang pagdurugo kapag nasanay na ang katawan sa kontraseptibo.
Kung madami ang pagdurugo at nararanasan mo pa rin ito lagpas tatlong buwan, mabuting kumonsulta na sa doktor ukol dito. Baka magrekumenda siya ng ibang kontraspetibo para sa iyo.
Puwede ring mangyari ang intermenstrual bleeding kapag hindi mo sinunod ang tamang paggamit o pag-inom ng kontraseptibo. Halimbawa nito ay ang kapag nakaligtaan uminom ng pill.
Obulasyon
May ibang babae na nakakaranas ng ovulation spotting sa pagitan ng kanilang regla. Nangyayari ang pagdurugo tuwing obulasyon, kung kailan nagpapakawala ng selulang itlog ang obaryo. Basahin ang higit pang impormasyon dito.
Implantation
Isa sa mga unang senyales ng pagbubuntis ay ang implantation bleeding, pero hindi lahat ng babae ay makakaranas nito. Nangyayari ito kapag ang napertilisang selulang itlog ay dumikit na sa uterine lining.
Karaniwang nangyayari ang implantation bleeding ilang araw bago mo inaasahan dumating ang iyong regla. Mas kaunti at sandali ang pagdurugo kumpara sa karaniwang regla.
Perimenopause
Ang perimenopause ay ang unang hakbang bago ang menopos. Hindi na balanse ang mga hormon sa yugtong ito. Hindi na regular ang pagregla, makakaranas na ng spotting at kakaibang pagdurugo, at may ilang buwan na maaaring hindi datnan ng regla.
Trauma
Puwede ring magdulot ng intermenstrual bleeding mula sa trauma o pinsala sa puwerta o serviks. Maaaaring galing ito sa:
- Sexual assault (rape)
- Marahas na pagtatalik
- Isang bagay, tulad ng tampon o laruang sekswal
- Isang pagsusuri o operasyon, tulad ng pelvic exam
Mga uterine o cervical polyp
Ang mga polyp ay abnormal na paglago ng tisyu sa katawan. Matatagpuan ang mga ito sa matres o serviks. Karaniwan, hindi ito nagdudulot ng kanser.
Ang mga cervical polyp ay madalas na hindi nagpapakita ng sintomas, pero maaari silang magdulot ng:
- Kaunting pagdurugo pagktapos magtalik
- Kaunting pagdurugo sa pagitan ng mga regla
- Kakaibang vaginal discharge
Sa karamihan ng mga kaso, hindi kailangan sumailalim sa paggamot, maliban na lang kung nakakaranas ng nakakabahalang sintomas. Kung inirekumenda ng doktor na alisin ang mga polyp, madali lang ito at hindi masyadong masakit.
Ang mga uterine polyp ay mas karaniwan sa mga babae na tapos na magmenopos. Ang iba makakaranas ng kaunting pagdurugo, habang ang iba naman walang sintomas.
Endometriosis
Ang endometriosis ay isang kondisyon kung saan ang uterine lining ang lumalago sa ibang parte kung saan hindi dapat. Ang iba pang sintomas ay:
- Pananakit ng balakang
- Masakit na pagregla
- Mabigat na daloy ng regla
- Pananakit habang nagtatalik
- Kahirapan magbuntis
- Pananakit tuwing umiihi o tumatae
- Pagtatae, tibi, o pagkahilo
- Panghihina
Polycystic ovary syndrome (PCOS)
Ang PCOS ay isang kondisyon kung saan ang mga obaryo o adrenal gland ay lumilikha ng labis na “panlalaking” hormon. Para sa ilang babae na may PCOS, hindi sila nireregla o iilang beses lamang sa isang taon.
Maliban sa intermenstrual bleeding, ang iba pang sintomas ng PCOS ay:
- Hindi regular na pagregla
- Pananakit ng balakang
- Pagdagdag ng timbang
- Labis na paglago ng buhok sa mga parte na hindi dapat
- Kahirapan mabuntis
- Taghiawat
Stress
Maraming paraan naaapektuhan ang iyong katawan kapag ika’y nastress. May ibang babae na nakakaranas ng intermenstrual bleeding dahil sa mataas na antas ng pisikal o emosyonal na stress.
Mga gamot
May ilang mga gamot tulad ng blood thinner, gamot para sa thyroid, at mga hormonal na gamot na nagdudulot ng intermenstrual bleeding.
Iba pang sanhi
Sa ilang bihirang kaso, ang diyabetis, liver disease, kidney disease, at pagdagdag o pagbawas sa timbang ay maaari ring magdulot ng intermenstrual bleeding.
Anong dapat gawin
Kung sa palagay mo ang nararanasan mong spotting ay sintomas ng pagbubuntis, mag-pregnancy test para malaman mo. Pero kung nakumpirma mo nang buntis ka at nakakaranas ka ng pagdurugo, ipaalam ito sa iyong doktor kaagad.
Kumonsulta sa doktor kung nakakaranas ka ng intermenstrual bleeding. Ang sanhi nito ay baka nangangailangan ng agarang atensyong medikal. Makakatulong rin sa iyong doktor malaman ang sanhi kung sinusulat mo ang mga araw na nakakaranas ka ng intermenstrual bleeding, at ang iba pang sintomas na nararamdaman mo.
Mga iba pang sintomas na dapat mong bantayan ay:
- Lagnat
- Pananakit
- Pagkahilo
- Madaling magpasa
Ang mga babaeng nakakaranas ng pagdurugo kahit na nagmenopos na sila ay dapat magpunta na sa doktor kaagad.
Kung ang intermenstrual bleeding ay nagsimula lamang mula noong unang gamit o inom mo ng kontrasepsyon, bigyan ito ng tatlo hanggang anim na buwan para masanay ang katawan. Kausapin ang doktor kung lumala o tumagal ang pagdurugo.
Paggamot at pag-iwas
Walang home remedy para sa intermenstrual bleeding. Ang tamang paggamot para sa iyo ay nakadepende sa sanhi nito, kaya napakahalagang magpasuri sa doktor.
Kung gumagamit ng kontraseptibo, gamitin ito nang tama ayon sa tagubilin at payo ng doktor. Subukan rin bawasan ang stress sa pamamagitan ng paglaan ng oras para magrelaks. Nakakabuti rin sa katawan ang mabuting pamumuhay. Mag-ehersisyo nang regular, at kumain ng masustansyang pagkain.
Maraming posibleng sanhi ng intermenstrual bleeding. May ilan na kailangan ng atensyong medikal at paggamot, pero ang iba naman ay walang kailangan ikabahala. Anumang intermenstrual bleeding ay dapat ikonsulta kaagad. Ang tanging paraan para malaman ang sanhi ay sa pamamagitan ng pagpapasuri sa doktor.
Mga pinagmulan:
https://www.healthline.com/health/vaginal-bleeding-between-periods#seek-medical-help
https://www.healthline.com/health/womens-health/spotting-before-periods
https://www.medicalnewstoday.com/articles/321811
https://www.webmd.com/women/spotting-between-periods
hello po…tanong lang po mtapus po manganak pgkalipas ng dalawang buwan ndatnan na po ako. Implant po ang gmit koh. Tpus po last period ko po nang buwan na June simula july hanggang ngayong setyembre hindi parin po ako dinadatnan…dinudugo lang po ako nang kaunti sa panty ko tpus po kulay kayumanggi.
Hi Rachel! Normal pong datnan o hindi datnan ng regla kapag gumagamit ng kontrasepsyon. Walang kailangan ikabahala dahil wala naman po itong malubhang epekto sa kalusugan.
Hi po tanong kulang po . Ano po kailangan gawin ara datnan ng regla ? Kasi last regla ko po nung august 6 natapos ng august 8 . Tapos ngayon po 4 na araw na po akong delayed . Pero hindi nman po talaga preha yung schedule ng pagdating ng regla ko simula nung tumigil ako sa implanon .
Hi Ashey! Nag-aadjust pa ang iyong katawan dahil sa pagtigil ng implanon. Bigyan ito ng tatlong buwan para makaadjust at bumalik sa normal ang regla.
Hello po ask ko lang po tapos na po ako noregla pero nong nag sex po kami ng asawa ko may dugo po sa panty ko kunti araw araw po yun minsan nawawala minsan meron kunti lang .. May implant din po natural Lang po ba na unregular ang regla ? august lang po ako nagka ganito pero malapit na po maexpire ang implant ko this september na po..
Hi Goldie! Maraming posibleng sanhi ng pagdurugo sa pagtatalik. Pwedeng kondisyon, impeksyon, o kaya priksyon at kiskisan. Tignan kung makakatulong sa inyo ang paggamit ng water-based lubricant gaya ng EZ Lubricating Jelly para mabawasan ang priksyon at pagsusugat na nagdudulot ng pagdurugo.
hi po ang nangyari sakin ay habang nagtatalik po kami ng bf ko ay may napansin po syang dugo sa ari ko, normal lang po bang duguin kahit hindi na virgin?
Hi Kaycee! Maraming posibleng sanhi ng pagdurugo sa pagtatalik. Pwedeng kondisyon, impeksyon, o kaya priksyon at kiskisan. Baka makatulong sa inyo ang paggamit ng water-based lubricant gaya ng EZ Lubricating Jelly para mabawasan ang priksyon at pagsusugat na nagdudulot ng pagdurugo.
Sakin po pagkatapos po kami mag sex ng asawa q nagdurugo po ako natatakot na po ako sana masagot niyo po ang tanong q
Hi Geraldine! Maraming posibleng sanhi ng pagdurugo sa pagtatalik. Pwedeng kondisyon, impeksyon, o kaya priksyon at kiskisan. Baka makatulong sa inyo ang paggamit ng water-based lubricant gaya ng EZ Lubricating Jelly para mabawasan ang priksyon at pagsusugat na nagdudulot ng pagdurugo.
Hello po ask ko lang po. Kasi kakatapos ko lang po ng regla ng September 20 tapos nag end ng 26 po. This day po umiihi po ako ng may kasamang maliliit na dugo po tapos meron na din po sa panty. Nung huling nangyare po ito nung June po. Ano po kaya sanhi? Maraming salamat po
Hi Arlene! Tulad nga po ng nakasaad sa artikulong ito, maraming posibleng sanhi ng pagdurugo. Ang makakatukoy lang po ng posibleng sanhi ay ang doktor na magsusuri sa inyo. Mainam na ikonsulta ito sa doktor para malaman ang sanhi at mapayuhan kung kailangan mo ba ng gamot.
magandang araw. magtatanong sana ako tungkol sa aking asawa na 44 years old na tapos araw araw ito nag menstruate o nagdugo mahigit isang taon na na hindi ito tumitigil.marami ng naubos na feminine napkins at ako naman ay nadyeta sa sex namin. ano ba ang naging ugat o sanhi sa ganitong problema naming mag asawa. sana matulungan mo kami sa problemang ito. maraming salamat. more power
Hi Tito Dumdum! Marami po kasing posibleng sanhi ng pagdurugo tulad ng kondisyon o impeksyon, at mahirap pong matukoy kung ano ito kapag hindi nagpasuri sa doktor. Ang angkop po na lunas ay depende rin po kasi kung ano ang sanhi nito. Sa edad po ng inyong asawa, baka rin po nararanasan na niya ang perimenopause, o ang yugto bago ang mismong menopause. Sa panahon na ito, madalas nang makaranas ng pagbabago sa pagregla. Minsan labis na pagdurugo, at minsan napaka hina o may mga buwan na hindi dinadatnan. Mabuti pong magpasuri na agad para malaman kung malubha ba ang sanhi at kailangan ng agarang lunas.