Para sa karamihan sa mga babae 35 taong gulang pataas, ang mga kontraseptibo na may nilalamang hormon (tulad ng pang-araw-araw na pills, implant, at injectable) ay ligtas—ngunit may mga nadudulot na panganib kung naninigarilyo o mayroong kasaysayan ng ilang mga kondisyon sa kalusugan.

Kung naninigarilyo ka at uminom ng mga pills o anumang hormonal na kontraseptibo, ang iyong mga panganib sa kalusugan ay tumataas nang labis pagkatapos ng edad na 35.

Huwag gumamit ng mga kontraseptibo na naglalaman ng estrogen. Hindi maganda ang kombinasyon ng paninigarilyo at estrogen sa mga arterya dahil napapataas nito ang panganib para sa atake sa puso at stroke.

Ipinakita ng pananaliksik na ang panganib ay nagiging makabuluhan sa istatistika pagkatapos ng edad na 35—marahil dahil ang mga babae ay na sa mas mataas na peligro para sa iba’t ibang mga kondisyon ng kalusugan habang sila ay tumatanda.

Kung mayroon ka nang iba pang mga kondisyong pangkalusugan, makipag-usap sa iyong doktor tungkol sa mga posibleng panganib lalo na kung mayroon kang malubhang diyabetis, hypertension, migraine, at sakit sa atay o pantog. Bibigyan ka ng iyong doktor ng rekomendasyon para sa mga pwedeng pagpiliang kontraseptibo na pinakamainam para sa iyo.

Ang mga kontraseptibong naglalaman ng progestin lamang ay madalas na mas ligtas na gamitin ng mga babaeng higit sa 35 taong gulang. May mga injectable, implant, at pills na mayroon lamang progestin.

Ang mga kontraseptibo na ito ay ligtas para sa mga babae na higit sa 35, ngunit mainam na kumunsulta sa doktor upang mapayuhan kung alin ang pinakaangkop para sa iyo.

Pinagmulan:

https://www.everydayhealth.com/sexual-health/over-35-the-best-birth-control-options-for-you.aspx

https://www.singlecare.com/blog/birth-control-for-women-over-35-and-40/

https://www.webmd.com/sex/birth-control/birth-control-40s-50s

https://www.healthgrades.com/right-care/birth-control/birth-control-choices-for-women-35-and-older