fbpx

ALAMIN ANG KAHIT NA ANONG BAGAY TUNGKOL SA KALUSUGANG SEKSUWAL AT REPRODUKTIBO

Ano Ang Nangyayari Kapag Nag-Orgasmo Ang Babae

orgasmo ng babae, orgasmo, female orgasm, orgasm, sex, pagtatalik, reproductive health, family planning

Lubhang kasiya-siyang karanasan ang isang orgasmoo para sa mga kababaihan sa panahon ng masturbation o iba pang anyo ng sexual activity. Bagama’t hindi ito ang bukod tanging layunin, tiyak na napakasarap sa pakiramdam na makaranas ng orgasmo!

Kamangha-manghang misteryo ang mga orgasmoo ng babae, na ilang dekada nang pinag-aaralan ng mga eksperto. Kapag ang isang babae ay nakakaranas ng orgasmo, may mga pisyolohikal at sikolohikal na pagbabago ang nagaganap sa kanyang katawan. Alamin natin kung ano ang nararanasan ng mga babae sa sitwasyong ito.

Ano ang mga unang nangyayari bago ang orgasmo?

Kapag ang sexual arousal na na-trigger sa utak ay nagpapataas ng daloy ng dugo sa genital area, ang puwerta ay naglilikha ng mas maraming likas na lubrikasyon upang gawin itong mas basa — isang senyales na ang katawan ay naghahanda para sa pakikipagtalik. Ang pagtaas ng daloy ng dugo sa ari ay nagpapatigas at bahagyang pinamamaga ang clitoris, kaya ito’y nagiging mas kita at mas sensitibong hawakan.

Habang tumataas at nagpapatuloy ang sexual arousal, humihigpit ang bukasan ng pwerta, at bahagyang lumiliit ang butas. Habang papalapit sa orgasmo, ang clitoris ay lalong nagiging mas sensitibo at nagsisimulang lumiit.

Ano ang nararanasan ng mga babae sa panahon ng orgasmo?

Ang orgasmo ay nararamdaman din ng mga babae, at hindi lamang ng mga lalaki; bagama’t ang mga orgasmo ng kababaihan ay hindi kasing halata ng sa mga lalaki, at maaaring maglabas o hindi maglabas ng likido kapag sila ay nakakaranas nito.

Kapag nag-orgasmo ang isang babae, nakakaranas siya ng serye ng 3 hanggang 15 na pagpintig ng kalamnan sa paligid ng ari, na nagpaparamdam sa kanya ng matinding kasiyahan. Sa panahon ng orgasmo, ang mga pelvic floor muscles ng mga kababaihan ay pumipintig nang mag-isa. Ang mga contraction ay pinaniniwalaan na nagpapahintulot sa dugo na dumaloy palabas ng mga erect tissues ng clitoris at vulva, na nagpapahintulot sa mga tissue na bumalik sa kanilang karaniwang flaccid (floppy) state.

Pinapataas din ng sexual arousal at orgasmo ang tibok ng puso, bilis ng paghinga, at presyon ng dugo ng kababaihan. Ang “love hormone” na oxytocin ay tumataas sa panahon ng sexual arousal at pinaniniwalaang tumataas sa panahon ng orgasmo.

Paano makakamit ng mga kababaihan ang isang orgasmo?

Karaniwang kinasasangkutan ng sex ang ari at pwerta lamang, ngunit hindi lahat ng babae ay nakakaabot ng orgasmo sa pamamagitan lamang ng vaginal stimulation. Karamihan sa mga kababaihan ay nangangailangan ng stimulation ng clitoris o ng clitoral area para makaranas ng orgasmo. Tandaan na ang clitoris ay naglalaman  ng 8,000 nerve endings—higit pa sa anumang bahagi ng katawan ng isang lalaki o babae. Ang pagpapasigla sa clitoris ay magdudulot ng matinding kasiyahan!

Ngunit, ang bawat babae ay may sariling mga personal na kagustuhan pagdating sa sex at kasiyahan. Maraming mga posibleng paraan upang maabot ng babae ang orgasmo. Para malaman niya kung aling paraan ang pinakamainam para sa kanya, mahalagang mag-eksperimento nang mag-isa — oo, ibig sabihin, pag-masturbate at maaaring paglalaro pa nga ng mga sex toys!

Mga pinagmulan:

Watson, S. (June 24, 2021). The Sexual Response Cycle: What Happens to Our Bodies During Sex. WebMD. https://www.webmd.com/sex-relationships/features/sexual-response-cycle#1

Castleman, M. (March 16, 2009). The Most Important Sexual Statistic. Psychology Today. https://www.psychologytoday.com/intl/blog/all-about-sex/200903/the-most-important-sexual-statistic

Chalmers, J. (December 2, 2020). 4 things about female orgasms researchers actually study. The Conversation. https://theconversation.com/4-things-about-female-orgasms-researchers-actually-study-151015 

Lane, N. (May 5, 2023). What Real Orgasms Feel Like and How to Claim Your Own. Healthline. https://www.healthline.com/health/healthy-sex/female-orgasm-feels-like 

Villines, Z. (February 13, 2020). Female orgasms: What you need to know. MedicalNewsToday. https://www.medicalnewstoday.com/articles/female-orgasm#why-do-females-orgasm 

Please follow and like us:

Mag-iwan ng Tugon

Ang iyong email address ay hindi ipa-publish. Ang mga kinakailangang mga field ay markado ng *

Modal's Close Icon