fbpx

ALAMIN ANG KAHIT NA ANONG BAGAY TUNGKOL SA KALUSUGANG SEKSUWAL AT REPRODUKTIBO

Breast Asymmetry: Hindi Pantay Na Mga Suso

Breast Asymmetry

Kapag hindi pantay ang mga susuo, breast asymmetry ang tawag dito. Ibig sabihin nito magkaiba ang laki o hugis ng mga suso, kaya hindi pantay ang kanilang itsura.

Napakakaraniwan ng breast asymmetry, at kadalasang normal lang ito. Maraming babae rin ang mayroong mga suso na may kaunting pagkakaiba sa laki, hugis, at posisyon. Karamihan sa mga dahilan nito ay walang kailangan ikabahala.

breast asymmetry
Image: https://www.breastaugmentation101.com/what-is-breast-asymmetry/

Sanhi

Pagdadalaga, pagbabago sa mga hormon, at kondisyon ay ilan sa mga karaniwang dahilan kung bakit nagiiba sa laki o hugis ang mga suso.

Kadalasan hindi sabay ang bilis ng paglaki ng mga suso kapag nagdadalaga, at maaaring maging hindi pantay hanggang matapos lumaki. Pwede rin silang manatiling magkaiba ang hugis at laki sa buhay ng isang babae.

Ang mga pagbabago sa hormon ay posibleng dahilan rin ng mga pagbabago sa isa, o parehong suso. Halimbawa:

  • Sa ilang mga pagkakataon sa siklo ng regla. Ang mga suso ay kadalasang nagbabago sa panahon ng obulasyon, at tila mas siksik at sensitibo. Pagpapanatili ng tubig sa katawan at pagtaas ng daloy ng dugo ay maaaring gawing mukhang mas malaki ang mga suso, pero kusa rin itong babalik sa normal na laki kapag niregla na.
  • Habang o papalapit sa menopos.
  • Habang buntis o nagpapasuso ng sanggol.
  • Kapag gumagamit ng kontraseptibong hormonal (ngunit hindi lahat ng babae ay makakaranas ng pagbabago sa mga suso).

Mga pagbabago sa mga suso sanhi ng mga hormon ay kusang babalik sa normal. Ilan pang posibleng pagbabago ay parang lawlaw o bukul-bukol ang mga suso. Kung nakakaranas ka ng mga pagbabao at napansin mong hindi ito bumalik sa normal, mainam na bumisita na sa doktor para masuri at malaman kung ano ang sanhi.

May ilang mga kondisyon rin na nagreresulta sa mga pagbabago sa laki at hugis ng mga suso, gaya ng:

  • Gigantomastia, kung saan labis ang paglaki ng mga suso.
  • Tubular breasts, kung saan ang mga suso ay hugis habilog, patusok, kwadrado, o “lawlaw.”
  • Amastia o amazia, kung saan hindi nabuo ang suso o utong.
  • Poland syndrome, kung saan ang mga kalamnan sa dibdib at napapaligid na parte sa isang hati ng katawan ay hindi nabubuo nang maayos.
Diagrammatic comparison of tuberous and normal breasts
Image: https://parenting.firstcry.com/articles/breastfeeding-with-hypoplastic-tubular-breasts/

Anong gagawin

Ang pagkonsulta sa doktor tungkol sa mga pagbabagong nararanasan mo ay makakatulong malaman kung normal ba ito o sanhi ng isang kondisyon. Baka ipasailalim ka sa ilang mga pagsusuri, tulad ng mammogram, breast ultrasound, breast MRI, o biopsy, depende sa unang pagsusuri ng doktor para mas makita nang malapitan ang laman at tisyu ng mga suso.

Konklusyon

Ang breast asymmetry ay karaniwang nararanasan ng mga babae, at hindi agad nangangahulugan na mataas ang iyong panganib na magkaroon ng kanser sa suso. Higit pang saliksik ang kinakailangan para malaman kung mayroon bang direktang ugnayan ang dalawa. May ilang mga pag-aaral na nagpapakita na ang mga babaeng may kanser sa suso ay mas malaki at halata ang breast asymmetry na sinamahan rin ng iba pang posibleng dagdag sa panganib tulad ng edad at pagmamana, kumpara sa mga babae na walang kanser.

Kung mayroong kapamilya na nagkaroon ng kanser sa suso o nakakaranas ng kakaibang pagbabago sa mga suso, mabuting magpunta sa doktor para magpasuri.

Mga pinagmulan:

https://www.medicalnewstoday.com/articles/321823.php#outlook

https://www.healthline.com/health/breast-asymmetry#causes

Please follow and like us:

28 thoughts on “Breast Asymmetry: Hindi Pantay Na Mga Suso

  1. Hello po. 18 years old. Ngayon ko lang na notice na mas malaki yung right boob ko kesa sa left and ang dami ko nabasa na article na mas normal pag malaki ang left boob eh kaso sa akin ay right ang malaki natatakot kasi ako. pasagot naman po

    1. Hi Princess! May ibang sintomas po bang nararanasan? May kakaiba po bang napapansin maliban sa mas malaki ang kanan kaysa sa kaliwa? Kung wala naman po, wala rin kailangan ikabahala. Baka nga mas karaniwan sa mga babae na mas malaki ang kaliwa, pero hindi naman po ibig sabihin na bawal na o may malubhang kondisyon ka kung ang kanan ang mas malaki. Maging mapagmasid na lang po kung may nararanasang pananakit o pangingirot sa mga suso.

  2. Hi po, 15 years old po ako. hindi pantay ang aking dibdib. Mas malaki ang kanan kumpara sa kaliwa, ano pong dapat kong gawin? Sobrang halata po kasi na magkaiba yung size nung kanan kumpara sa kaliwa. May paraan po ba para magpantay pa ito?

    1. Hi Gail! Gaya nga po ng inyong nabasa sa artikulong ito, normal lang pong hindi pantay ang mga suso. Sa katunayan, maraming mga babae ang hindi pantay ang suso. Wala pong “home remedy” o natural na paraan para gawing pantay ito. Kung wala namang nararamdamang sintomas tulad ng pananakit, walang kailangan ikabahala dito.

  3. Hi doc . 22years old napo ako hindi po pantay ang suso ko isa po malaki yung jsa maliit kasi sa isa po ang nadedehan ng baby mo dahil ayaw po dadahan yung pano po kaya ang gagawjn

    1. Hi Ernalyn! Paalala lang po na hindi kami mga doktor. Posibleng naiipon po ang gatas sa kabilang suso na hindi nadedehan ng iyong baby, kaya lang hindi ito pumapantay sa kabila. Kailangan niyo pong maengganyo ang iyong baby na dumede rin po sa kabilang suso. Mainam na makipag-ugnay sa inyong OBGYN ukol dito para mapayuhan sa angkop na solusyon para sa iyo.

  4. Mam breastfeed mom po ako simula po nang nag papa dede ako sa unang anak ko lumaki po lalo yung susu ko at hindi ito pantay kasi palaging nasa kaliwa kung susu dumi dede ang anak ko minsan lang sa kanan kaya mas malaki ang sa kaliwa ko kesa sa kanan ko. At ang tanong ko mam babalik pa kaya yung dating breast ko kasi dati nasa 36 lang ngayon nasa 40 na.

  5. 19 yrs old na po Hindi po pantay ang dibdib ko mas malaki yung right side talagang normal na hugis napo yon sobrang mapapansin po talaga kasi hindi sila pantay at may lubog na part po don sa left side kong dibdib. Maari pa po ba yung magpantay? Ano po ang pede kong gawin?

    1. Ako po 13 yrs old na po ako hindi po pantay dibdib ko po yong left po masmalaki kasa sa right at sobrang halata po siya at minsan po sumasakit po siya normal po ba yon?

      1. Hi Avril! Gaya nga po ng inyong nabasa sa artikulong ito, normal pong hindi pantay ang mga suso, at sa katunayan karamihan po sa mga babae ay ganito. Pero dahil nakakaramdam po kayo ng pananakit, mainam na ipasuri ito sa doktor para matukoy kung ano nagsasanhi nito.

Mag-iwan ng Tugon

Ang iyong email address ay hindi ipa-publish. Ang mga kinakailangang mga field ay markado ng *

Modal's Close Icon