Maaari handa ka para maging asawa, ngunit hindi pa handa para maging magulang, at mabuting gumamit ng kontraseptibo upang maiwasan ang hindi planadong pagbubuntis.
1. Copper IUD
Ang pamamaraang ito ay hindi lamang para sa mga ina; maaari rin itong gamitin ng mga babaeng hindi pa nabubuntis o nanganganak. Ang copper IUD ay 99 porsyentong epektibo at nangangailangan lamang ng napaka-onting responsibilidad, kaya ito ay maganda para sa mga bagong kasal na laging maraming ginagawa. Sa sandaling matanggal ito, ang pagkamayabong ay naibalik kaagad. Hindi ito gumagamit ng hormon, at maaaring tumagal hanggang sampung taon.
Isang payo: magpalagay ng IUD ilang buwan bago ang kasal upang mabigyan ng oras ang katawan maakma sa pamamaraang ito.
2. Mga pills
Ang mga pills ay madaling mabibili sa mga nangungunang botika, at madaling simulan o ihinto ano mang oras. Maaaring mabuntis kaagad kapag tinigil inumin ito. Mabisa nang 99 porsyento kung ginagamit nang tama, at 91 porsyentong epektibo sa karaniwang paggamit.
3. Implant
Ang implant ay naglalaman lamang ng progestin, at ito ay isang maliit na plastik na may 3.5 sentimetrong haba, at nagbibigay ng hanggang sa tatlong taong proteksyon laban sa pagbubuntis. Ipinapasok ito ng mga doktor sa itaas na bahagi braso, at sa sandaling ito ay naipasok, halos hindi nangangailangan ng anumang responsibilidad mula sa iyo upang ito ay gumana (maliban sa pagbalik sa doktor kapag kailangan na itong palitan, o kapag napagdesisyonan mong ipatanggal). Ito ay higit sa 99 porsyentong epektibo, at madaling mabuntis kapag tinanggal ito.
4. Condom
Ang mga condom ay maaaring hindi nauugnay sa buhay may-asawa, ngunit dapat rin! Kung hindi sigurado kung kailan nais magkaroon ng anak, ang mga condom ay magbibigay sa iyo ng kakayahang pumili, at maaaring gawing mas masaya ang pagtatalik dahil sa mga iba’t ibang amoy at pakiramdam na meron ito.
Pinagmulan:
https://www.brides.com/story/best-birth-control-for-married-couples