Ang mga babae na wala pang 30 taong gulang ay talagang mayabong—ang kanilang kakayahang magbuntis ay hitik na hitik sa panahong ito.
Ngunit, maraming pa ring mga babae ang napapatanong: ang paggamit ba ng kontraseptibo ngayon ay makakaapekto sa pagkamayabong balang araw?
Ang sagot: hindi.
Ang lahat ng mga reversible contraceptives ay makakatulong na maiwasan ang pagbubuntis habang ginagamit ang mga ito. Ngunit, walang pangmatagalang epekto sa kakayahang mabuntis kapag hininto na ito.
Pills
Ang mga pills ay hindi nakakaapekto sa pagkamayabong, kahit ilang taon mo pa gamitin. Sa katunayan, may saliksik na nagpapakita na kapag mas matagal gumamit ng pills ang isang babae, mas mataas ang kanyang tsansa na mabuntis sa susunod na anim na buwan hanggang isang taon mula sa pagtigil ng pag-inom ng pills.
Ngunit, ang siklo ng regla ay maaaring abutin ng 3-12 buwan bago bumalik sa normal.
Injectables
Maaaring abutin ng isa’t kalahating taon bago bumalik ang normal na siklo ng regla mula sa huling turok ng injectables. Pero hindi ito nakakaapekto sa pagkamayabong at posibleng mabuntis bago pa bumalik sa normal ang siklo ng regla.
Implants
Ang mga implants ay hindi nakakaapekto sa pagkamayabong. Kapag ito’y natanggal na, halos agad-agad ring bumabalik ang kakayahan mabuntis at normal na siklo ng regla.
Pinagmulan:
