Isa sa mga karaniwang pinoproblema ng mga babae kapag namimili ng hormonal na kontraseptibo ay kung ito ba’y makakaapekto sa kanilang timbang. At higit pa riyan, marami ring mga sabi-sabi tungkol sa koneksyon ng kontaseptibo at timbang.
Nakakataba ba talaga ang kontraseptibo? Bago ka magpaniwala sa mga sabi-sabi, tingan muna kung ano ba ang mga sinasabi ng mga saliksik.
Ang mga babaeng gumagamit ng pills ay hindi mas tumataba kaysa sa mga babaeng hindi gumagamit ng kontraseptibo.
Paulit-ulit nang mayroong mga pag-aaral tungkol dito, at lahat sila ay nagpapakita ng iisang bagay—ang mga pills ay hindi sanhi ng pagtaba.
Ang katotohanan ay ang bawat isa sa mga pamamaraan na ito ay maaaring magamit nang walang panganib na tataas ang timbang.
Gayunpaman, kung talagang nag-aalala tungkol dito, mayroong mga pills na makakabawas sa posibilidad na madagdagan ang timbang.
Ang injectable ay maaaring humantong sa pagtaas ng timbang para sa ilang mga babae.
Ang injectable ay maaaring maging sanhi ng pagtaas ng timbang para sa halos isang-kapat ng mga gumagamit.
Ang isang kamakailang pag-aaral ay nagpakita na sa unang anim na buwan ng paggamit, 1 sa 4 na gumagamit ng iniksyon ay bumigat nang 5 porsyento o higit pa sa kanilang panimulang timbang.
Gayunpaman, ang karamihan sa mga babae na gumagamit ng injectable ay maaaring mapanatili ang kanilang timbang sa pamamagitan ng malusog na pagkain at regular na ehersisyo. (Mga bagay na dapat nating gawin!)
Ano ang nagdudulot ng pagdagdag ng timbang?
Maraming posibleng magdulog ng pagdagdag ng timbang, tulad ng:
- Pagbabago sa mga gawain. Kung ‘di ka na masyado nakakagalaw sa iyong iskedyul, baka mapansin mong dahan-dahang dumadagdag timbang mo.
- Pagbabago sa diyeta. Para sa ilan, napaparami sila ng kain kapag sila’y stressed.
- Pagbabago sa metabolismo. Natural na bumabagal ang metabolismo habang tumatanda.
- Pagbabago sa ehersisyo. Ang weightlifting at ibang muscle-building workouts ay nakakadagdag sa muscle mass, kaya maaari ring umangat ang numero sa weighing scale.
Pinagmulan:
https://helloclue.com/articles/sex/birth-control-and-weight-gain
https://www.healthline.com/health/how-to-lose-weight-on-birth-control
https://www.aafp.org/pubs/afp/issues/2017/1215/ol1.html
