Mga siz, sigurado kaming nag-alala ka noong nakaranas ka ng pagdurugo sa mga araw na hindi ka pa dapat datnan ng regla — pamilyar ba? Iyon ay maaaring pagdurugo sa obulasyon (ovuation bleeding).
Ang pagdurugo sa obulasyon ay magaan na pagdurugo (spotting) na naranasan mo sa panahon ng obulasyon mo. Ito ay maaaring mangyari sa araw mismo, o sa araw bago o pagkatapos ng obulasyon.
Ang obulasyon ay ang paglabas ng obaryo ng selulang itlog. Ang mga pagbabago sa mga antas ng estrogen ay madalas na nagdudulot ng pagdurugo, na kung minsan ay tinutukoy rin ng mga tao na “estrogen breakthrough bleeding”. Ito ay hindi pangkaraniwan sa mga kababaihan, ngunit ang pagdurugo sa obulasyon ay karaniwang hindi tanda ng anumang seryosong kondisyon.
Paano matukoy ang pagdurugo sa obulasyon
Kung nakakaranas ka ng spotting sa kalagitnaan ng iyong siklo ng regla, maaaring pagdurugo sa obulasyon ito. Kadalasang nangyayari ang obulasyon sa paligid ng ika-11 at 21 na araw pagkatapos ng unang araw ng iyong huling regla, ngunit maaaring mag-iba ito depende sa haba ng siklo ng bawat babae.
Ang spotting ay karaniwang mas magaan kaysa sa regla, ngunit ang kulay nito ay maaaring magbigay ng mga pahiwatig kung ano ang sanhi nito dahil ang bilis ng daloy ng dugo ay tumutukoy sa kulay. Ang pagdurugo sa obulasyon ay maaaring may pagkarosas o pula ang kulay. Kapag ito ay kulay rosas, iyon ay isang senyas na ang dugo ay may kahalong likido ng serviks (cervical fluid). Iyon ay dahil ang mga babae ay karaniwang gumagawa ng mas maraming cervical fluid sa panahon ng obulasyon.
Iba pang mga uri ng pagdurugo
Ang pagdurugo sa obulasyon ay isang uri lamang ng hindi pangkaraniwang pagdurugo, ngunit kadalasan ay hindi dapat ito ikabahala.
Ang ilang mga palatandaan ng pagdurugo sa panahon ng obulasyon ay:
- Pagdurugo sa panahon ng obulasyon
- Ang pagdurugo ay nangyayari lamang isang beses bawat buwan, sa halos pare-parehong panahon.
- Kusang tumigil ang pagdurugo sa loob ng ilang araw, at hindi ito mabigat o masakit.
Ang hindi pangkaraniwang pagdurugo na hindi umaangkop sa pattern na ito ay baka may iba pang sanhi. Ang mga babaeng hindi regular ang siklo ng regla ay maaaring mahirapan matukoy ang pagkakaiba sa pagitan ng hindi pangkaraniwang pagdurugo at ng normal na buwanang regla. Mabuting kumunsulta sa doktor upang malaman ang sanhi kung nakakaranas ka ng mga pagkakaiba sa mga siklo ng regla.
Spotting VS Regla
Kadalasang mas magaan ang spotting kaysa sa regla. Ang spotting ay mas magaan na daloy, rosas, mamula-mula, o kayumanggi ang kulay, at karaniwang tumatagal ng dalawang araw lamang. Habang ang pagdurugo ng regla ay karaniwang may sapat na bigat at dami upang kailanganin ng napkin, tampon, o menstrual cup, at karaniwang tumatagal ng halos limang araw.
Dapat na bang pumunta sa doktor?
Karaniwan, walang dapat alalahanin sa mga spotting na nangyayari sa kalagitnaan ng siklo ng regla, lalo na kung palagi ito nangyayari sa pare-parehong panahon bawat buwan. Ang obulasyon ay isang karaniwang sanhi ng spotting sa gitna ng bawat regla, ngunit hindi lamang ito ang posibleng dahilan.
Mainam na kumunsulta sa doktor kapag nakakaranas ka ng hindi pangkaraniwang pagdurugo. Kung napansin mo rin ang alinman sa mga sumusunod na sintomas, tiyak na dapat nang pumunta sa doktor:
- Mga pagbabago sa siklo ng regla. Halimbawa, dinadatnan ng regla sa loob ng mas mababa sa 21 araw o higit sa 35 araw na pagitan.
- Ang pagdurugo ay nagiging mas mabigat o mas magaan kaysa sa dati.
- Ang labis na pagdurugo, tulad ng pagpuno ng napkin sa loob ng dalawang oras o pagkakaroon ng malalaking buo-buong dugo.
- Iba pang mga sintomas tulad ng labis na pananakit kapag nireregla, hirap magbuntis, pananakit sa panahon o pagkatapos ng pagtalik, pagkahingal, pagkahilo, o pananakit ng dibdib.
- Pagdurugo pagkatapos ng menopos.
Ang pagsubaybay sa iyong siklo ng regla ay maaaring makatulong sa iyo na mapansin ang anumang mga pagbabago o abnormalidad, at magpasya kung oras na bang pumunta sa doktor. Makakatulong din ito sa doktor na matukoy kung ano ang posibleng sanhi ng hindi pangkaraniwang pagdurugo.
Mga pinagmulan:
https://www.healthline.com/health/pregnancy/ovulation-bleeding#takeaway
https://www.medicalnewstoday.com/articles/325847.php#summary
Hello po..tanong lang po..bale nag spotting po aq nong jan.23..e ang regla qh po is jan.28 pa..tpos po nag pt aq..e 2lines po.mejo malabo po ung isa..umaga pu un.then po ngtry ulit aq nong hapon..1line na lng po sya…
Hi, Dorie! Ang pregnancy test po ay ginagawa lamang sa pagkagising, sa unang ihi mo sa umaga para tumpak ang resulta. Mainam po na magpregnancy test muli, pero basahin po nang maigi ang instructions nito sa pakete.
Ask ko lang po nov5 nag ka mens ako then dec. 21 tapos ngayon po jan. 13 nag ka spotting po ako 2 days posible poba na buntis ako ?? Dahil ngayon po jan. 21 hindi ako nagkaroon .salamat po
Hi, Charlie! Kung nangangambang buntis, ang tanging paraan para malaman ay mag-pregnancy test pagkalipas ng isang linggong hindi pa rin nireregla mula sa araw na karaniwang dinadatnan ka, o kaya magpasuri sa OBGYN. Basahin rin po ito: https://doitright.ph/tl/oras-na-bang-mag-pregnancy-test/
Hi po sana masagot niyo po ito. Nagka regla po ako nung 13 and nag end nung 16 then 17 18 is wala na pong lumabas na dugo sakin. Then nung 18 nag do po kame ng bf ko then after 30 mins may lumabas saken na dugo after namen nag do. 3days po akong nag is portting medyo madami and kulay red rose po siya na medyo dark brow nung una.
Hi, Angelyn! Maraming posibleng sanhi ng pagdurugo sa pagtatalik, pero ang karaniwang dulot nito ay priksyon at kiskisan lalo na sa penetrasyon. Baka makatulong sa inyo ang paggamit ng water-based lubricant gaya ng EZ Lubricating Jelly para mabawasan ang priksyon at pagsusugat na nagdudulot ng pagdurugo. Basahin po ito: https://doitright.ph/tl/pagdurugo-pagkatapos-ng-pagtalik/
Mabibili ang EZ Lubricating Jelly sa pangunahing botika at convenience store. Maaari mo rin ito mabili online!
Lazada: https://www.lazada.com.ph/shop/trust-philippines-1524467118/
Shopee: https://shopee.ph/trust.premiere.ez
Dec 26 po last day of mens ko may nangyati samin ng bf ko po. Its safe kasi we used condoms but ngayon nagkakaspotting ako for 3 days na po and light brown po. Is it possible na preggy po ako?
Hi, Gianna! Marami rin naman pong posibleng sanhi ng spotting, ‘di lamang pagbubuntis. Kung nangangambang buntis, ang tanging paraan para malaman ay ang magpregnancy test.
Hello po. Sana masagot po yung tanong ko.
Iregular po ang regla ko. Nung october hindi po ako dinatnan. Nung bandang nov napo na spotting nako hanggang ngayon po. Nangangamba din po ako.
Wala pa po ako anak. Pero may kalive in po ako.
Hi, Shierly! Maraming pwedeng magdulot ng mga pagbabago sa regla, at kasama rito ang ilang mga impeksyon, sakit, stress, diyeta, at biglaang pagbabago ng timbang. May ibang sintomas pa bang nararanasan? Mabuting makipag-ugnay sa obgyn para magpasuri kung ano ang sanhi at mapayuhan ka kung ano pwedeng solusyon para dito. Baka makatulong rin ito sa iyo: https://doitright.ph/tl/mga-dapat-malaman-tungkol-sa-iregular-na-siklo-ng-regla/
hello po sana po ay masagot po ninyo. nag woworry po ako dahil ngayon ko lang po naranasan to irregular po ako. pero ngayon po akala ko po mag kala regla na ko pero puro spot spot lang po ang nararanasan ko ngayon. normal na dugo po di naman ako nakakaramdam ng kung ano ano. mga nakaraang buwan okay naman po ang mens ko ngayon lang po ako nag karoon ng spotting.
Hi Jessa! Maraming pwedeng magdulot ng mga pagbabago sa regla, at kasama rito ang ilang mga impeksyon, sakit, stress, diyeta, at biglaang pagbabago ng timbang. May ibang sintomas pa bang nararanasan? Mabuting makipag-ugnay sa obgyn para magpasuri kung ano ang sanhi at mapayuhan ka kung ano pwedeng solusyon para dito. Baka makatulong rin ito sa iyo: https://doitright.ph/tl/mga-dapat-malaman-tungkol-sa-iregular-na-siklo-ng-regla/
October 16 nag do kami ng bf ko and then by october 29 dinatnan ako and the next month delay ako ng 5 days dec. 3, nagkaspotting ako dark brown kinuabukasan nawala by dec, 4 ng meron ulit medyo lumakas ito hanggang sa umabot ng december 9 posible na buntis ako kahit na last sex namin is october 16.
Hi Em! Kung nangangambang buntis, ang tanging paraan para malaman ay mag-pregnancy test pagkalipas ng isang linggong hindi pa rin nireregla mula sa araw na karaniwang dinadatnan ka, o kaya magpasuri sa OBGYN. Basahin rin po ito: https://doitright.ph/tl/oras-na-bang-mag-pregnancy-test/