Ang pagtatalik at kahihiyan ay malapit na magkaugnay sa ating lipunan, lalo na para sa kababaihan.
Marami sa atin ay naturuan na ang mga babae ay hindi dapat makipagtalik sa labas ng relasyon at pag-aasawa. O tinuruan tayo na ang isang babae na madalas makipag-pagtatalik, o kahit na isang taong sumasaya nang labis — ay makamundo. Sa kabilang banda, ang mga lalaki ay tinuruan na hindi sila “totoong lalaki” kung wala silang “sapat na” pagtatalik, o kung hindi sila nasisiyahan sa ilang uri ng pagtatalik. Ang mga hindi napapanahong mga ideyang ito ay maaaring maging sanhi upang hiyain natin ang ating sarili dahil sa anumang mga seksuwal na gawain na hindi pasok sa itinuturing “katanggap-tanggap” sa lipunan.
Ang hiya sa pagtatalik ay tumutukoy sa lahat ng mga paraan na pakiramdam natin tayo bilang mga seksuwal na nilalang (kasama na kung paano natin iniisip ang tungkol sa pagtatalik, ang ating mga paniniwala at pagpapahalagang seksuwal, mga hangaring seksuwal, at ating mga seksuwal na gawi) ay mali o masama.
Ang tao ay nakakaranas ng hiya sa pagtatalik bilang tugon sa maraming bagay, kabilang ang:
- kanino tayo nakakaramdam ng seksuwal na pagnanasa
- kanino natin gusto makipagtalik
- ang mga uri ng pagtatalik na nais nating magkaroon
- ang ating mga seksuwal na kaisipan at pantasya
- ang mga paraan na nakikita natin ang ating sarili bilang seksuwal (na madalas na kasama ang kung paano natin naiintindihan ang ating kasarian)
Ang lahat ng mga bagay na iyon ay napapailalim sa hiya sa pagtatalik, at oras na upang ihinto ito sa ating sarili. Narito ang tatlong hakbang na maaari mong gawin upang alisin ang hiya sa iyong sarili.
1. Kilalanin ang mensahe ng hiya.
Tingnan kung saan nagmula ang kahihiyan na iyon. Galing ba ito sa kultura ng iyong pamilya? Sa iyong tradisyon sa relihiyon? Sa iyong mga kaibigan? O ito ba ay nagmumula sa iyo? Ang huling boses na iyon ay ang tanging dapat mong pakinggan. Ito ang nagsasabi sa iyo kung ano ang tama o hindi tama para sa iyo.
Kung ang iyong mga ideya tungkol sa pagtatalik at kahihiyan ay nagmumula sa labas ng iyong sarili, oras na upang tanungin kung may magandang dulot ba ang mga ito para sa iyo. Huwag lamang tumanggap ng mga pananaw mula sa ibang tao at mga institusyon. Kwestyunin mo ang mga ito. Suriin kung saan ito nanggaling. Pagkatapos ay magpasya para sa iyong sarili kung nais mong makinig.
2. Pag-isipan kung ano ang talagang gusto mo.
Gumagawa ka ba ng mga seksuwal na bagay na gusto mo? Natutuwa ka ba sa pakiramdam na dulot nito? O ginagawa mo ba ang mga bagay na ito sa ibang kadahilanan, tulad ng pagtanggap, atensyon, o upang pasayahin ang ibang tao? Minsan nakakaramdam tayo ng kahihiyan sa mga bagay kapag alam natin na ginagawa natin ang mga ito nang hindi dahil sa kanais nais na kadahilanan. Kaya suriing mabuti: Ano ang iyong mga motibasyon? Kung gumawa ka ng mga seksuwal na desisyon batay sa gusto mo, walang lugar para sa kahihiyan.
3. Magpasya kung sumasang-ayon ka.
Kapag natukoy mo ang mensahe batay sa kahihiyan, maaari kang magpasya kung tunay kang sumasang-ayon dito. Sa palagay mo ba ang pagnanais sa isang senswal na paghampas ay gawain ng masamang tao? Mala-halimaw ba ng iyong mga hita? Masisisiyahan ka ba talaga sa kaakit-akit na damit na iyon? Pag-isipan ang iyong sariling mga pagpapahalaga at tingnan kung saan umaangkop ang kahihiyan sa iyong sariling tunay na paniniwala. Kadalasan, ang mga mensahe na ito ay hindi natin sariling mga paniniwala ngunit isang bagay na minana natin mula sa iba. Gamit ang pananaw na ito, maaari mong alisin ang mga mensahe ng kahihiyan at maging mas totoo sa iyong sarili.
4. Maging responsable para iyong sarili.
Habang ang mga tao ng anumang kasarian ay maaaring mapilit sa mga seksuwal na sitwasyon na hindi sila isang daang porsyentong sumasang-ayon, ang mga kababaihan ay madalas na tinuturuan na maging masunurin upang mapanatili ang kapayapaan. Minsan ang mga lalaki ay tinuturuan na dapat silang laging maghangad ng pagtatalik, sa anumang anyo. Ngunit kapag tayo ay bumigay sa mga ideyang iyon, mahirap matuklasan at tanungin kung ano talaga ang gusto natin. At iyon ay humahantong sa isang hindi gaanong kanais-nais na pagtatalik para sa lahat ng kasangkot. Kung nakatuon ka sa pagpapasya tungkol sa iyong pagtatalik — tungkol sa mga seksuwal na gawaing ginagawa mo at kung bakit mo ginagawa ang mga ito – inaaako mo ang responsilidad para sa iyong sariling pagtatalik. At kung inaaako mo ang iyong mga desisyon, bakit mo ito ikahihiya?
Ang kahihiyan sa pagtatalik ay may malalim pinag-uugatan, at ang pag-alis nito ay nangangailangan ng higit pa sa payo mula sa isang artikulo. Gayunpaman, ang artikulong ito ay makakatulong sa iyo upang malaman kung saan nagmumula ang iyong mga damdamin — at kung paano mo lalagpasan ang mga ito – dahil ang pagtatalik na hindi nababalot ng kahihiyan ay ang pinakamahusay na pagtatalik.
Pinagmulan: https://www.bedsider.org/features/1074-how-to-stop-sex-shaming-yourself
https://www.liveabout.com/why-is-there-so-much-shame-around-pagtatalik-2982996
