Micro-cheating – ano ba ito?

Ang micro-cheating ay mga kilos at galaw na nagpapahiwatig ng romantikong interes sa isang tao maliban sa kasalukuyang partner.

Ito ay karaniwang mga aktibidad na makikita bilang maliliit na bagay—tulad ng pag-like sa larawan sa social media, pakikipaglandian sa isang tao online, o pakikipag-usap sa text sa isang taong interesado ka—ngunit ang mga hangganan ng “wala namang mali” at ang “hindi tapat” ang mahirap matukoy sa paksa na ito.

Bagama’t madalas itong nauugnay sa panloloko, lalong naging laganap ang micro-cheating sa mga taong hindi pa committed sa isa’t isa ngunit gumugugol ng oras upang makilala at makasama ang isa’t isa.

Kung nakikipag-date ka ngunit hindi mo naman hangad na maging monogamous, maaaring hindi maging isyu ang micro-cheating. Gayunpaman, kung ang iyong layunin sa huli ay ituloy ang isang bagay na maging long-term at exclusive, kailangan ayusin ang ganitong pag-uugali bago pumasok sa anumang relasyon.

Kaya paano mo malalaman kung ang iyong mga kilos ay “micro-cheating” na?

Magnilay-nilay kung ano ang pinapahiwatig ng iyong mga aksyon: Nakakasira ba ito ng tiwala ng partner mo? Nakakatulong ba ito o nakakasakit? Sinusuportahan ba nito ang relasyon na gusto mong magkaroon?

Lagi bang masama ang mga kilos na tila micro-cheating?

May mga bagay at kilos na baka wala namang malisya para sa ibang tao, ngunit cheating na pala para sa iba. Ang susi ay pakikinig sa iyong (mga) partner/s at pagkakaroon ng bukas na komunikasyon tungkol sa kung anong mga bagay at kilos ang okay lang gawin ng isa’t isa.

Ang micro-cheating ay hindi naman masama, ngunit tiyak na masama ang pagsisinungaling. Mahalagang lutasin ang anumang mga potensyal na isyu na direktang lalabas sa iyong partner sa halip na hayaan ang mga kasinungalingan at panlilinlang na magdulot ng mas malaking isyu—kahit na mukhang maliit sila sa una. Kung sa tingin mo ay niloloko ka sa anumang paraan—ituturing man itong “micro” cheating—ito ay bagay na dapat pag-usapan niyong magpartner.

Ang komunikasyon ay mahalaga para sa pagpapanatili ng isang malusog na relasyon, kaya huwag agad mag-assume kung ano ang OK o hindi OK sa mga tuntunin ng pakikipag-flirt sa iba, kapag may bagong tao na dinedate.

Ang punto: Hangga’t ang cheating ay hindi bahagi ng equation (at hangga’t ang magkabilang panig ay kumportableng nakakaalam), kung gayon ang pakikipag-flirt ay maaaring mapahusay ang intimacy niyo ni partner, sa halip na sirain ang tiwala ng isa’t isa.

Ano ang mga senyales ng micro-cheating?

Maaaring narinig mo na ang micro-cheating—ang termino ay nagmula sa “maliit na cheating,” o mas maliliit na paglabag na maaaring lumaki sa mas malalang isyu kapag pinagsama-sama at tinignan nang buo.

Ang mga bagay at kilos na itinuturing na “cheating” sa huli ay nakasalalay sa uri ng kasunduan na mayroon ang mga magpartner tungkol sa pagiging eksklusibo, o sa anumang tinalakay nila bilang katanggap-tanggap at hindi katanggap-tanggap. Ngunit ang ilan sa mga bagay na madalas na itinuturing bilang micro-cheating ay:

• Pagbibigay ng higit na atensyon sa isang taong hindi mo partner kaysa sa iyong aktwal na partner
• Pag-mute ng thread sa isang tao o pagtanggal ng text exchange para hindi matuklasan ng iyong partner na nakikipag-chat ka
• Pagbabahagi ng mga bagay tulad ng mga sexual tastes, kinks, at fantasy sa isang taong hindi mo partner
• Pagpapantasyahan tungkol sa pagkakaroon ng emosyonal na closeness o pagiging intimate sa iba
• Ang pagkakaroon ng paulit-ulit na matalik na pakikipag-ugnayan sa mga taong gusto mo o sa tingin mo ay kaakit-akit

Ang micro-cheating ay hindi lamang tungkol sa pag-uugali at pagkilos; ito ay higit pa tungkol sa pagsisinungaling at pagtatago ng mga sikreto, at kung paano nakakaapekto ang mga kasinungalingan at sikretong iyon sa iyong relasyon sa iyong partner.

Paano kung ikaw ang gumagawa ng micro-cheating, at hindi mo ito napagtanto?

Maaaring hindi mo ito napagtanto, ngunit ang ilan sa iyong mga aksyon ay maaaring mga anyo na ng micro-cheating. Ngunit, muli, maaari itong maging subjective at depende ito sa mga hangganan na itinakda mo sa iyong partner.

Sa pangkalahatan, ang micro-cheating ay nagsasangkot ng atensyon, pag-apruba, at damdamin ng ibang tao maliban sa iyong partner. At madalas itong nagsasangkot ng mga subtle psychological defenses tulad ng pangangatwiran at pagtanggi.

Ano ang gagawin tungkol dito

Kung minsan ka nang naloko, o nalaman mong ginagawa mo ito (kahit hindi sinasadya), ano ang maaari mong gawin? Narito ang ilang paraan upang malutas ang problema bilang mag-asawa:

• Maging tapat sa iyong sarili at sa iyong partner. Ang iyong mga damdamin ay valid at nararapat na marinig.
• Huwag gumawa ng mga dahilan para sa pag-uugali ng ibang tao. Posible para sa isang tao na gawin ang mga pagkilos na ito nang hindi namamalayan, ngunit ang paggawa ng mga dahilan ay isa lamang paraan ng pagsisinungaling, na sumisira sa tiwala sa inyong relasyon.
• Gawing bukas at madalas ang komunikasyon sa pagitan ninyong magpartner. Subukang pag-usapan ang mga bagay na ikinagagalit mo sa sandaling mangyari ang mga ito (o sa lalong madaling panahon), para hindi mo sila kinikimkim at hahayaang maging mas malaking isyu kalaunan.
• Kung may bagay na talagang bumabagabag sa iyo, subukang gumamit ng “I statements”, kung saan sa halip na sabihin ang “ikaw palagi…”, sabihin ang “Pakiramdam ko…” upang ang magkabilang panig ay may oras na huminga bago tumugon ng pagtatanggol.
• Magtakda ng mga hangganan sa kung ano ang katanggap-tanggap na pag-uugali sa inyong relasyon—at ipatupad ang mga ito kung kinakailangan!

Halimbawa, kung ang isang partner ay nagtatago ng mga sikreto o gumugugol ng masyadong maraming oras sa isang ex/crush sa halip na maging bukas tungkol dito, mabuting magkaroon ng seryosong pag-uusap tungkol sa kung bakit nakakasakit ang bagay na iyon.

Mga huling paalala

Maaaring hindi palaging halata ang micro-cheating. Ngunit kung ano ang mga kinabibilangan ng micro-cheating sa huli ay nakasalalay sa kung ano ang napagkasunduan ng mga magpartner. Ito ang dahilan kung bakit ang pagkakaroon ng bukas at tapat na pag-uusap tungkol sa emosyonal, pisikal, at sekswal na mga hangganan ay napakahalaga sa anumang relasyon — at ito ay pinakamahusay na gawin nang maaga hangga’t maaari.

Mga pinagmulan:

Moore, A. (August 30, 2022). What Is Micro-Cheating? 6 Behaviors That May Cross The Line In Relationships. MBGRelationships. https://www.mindbodygreen.com/articles/micro-cheating 

Manning-Schaffel, V. (September 17, 2018). What is ‘micro-cheating’? And does it really count? Better by Today. https://www.nbcnews.com/better/pop-culture/what-micro-cheating-does-it-really-count-ncna905206 

Kassel, G. (November 25, 2019). What Exactly Is ‘Micro-Cheating’? Healthline. https://www.healthline.com/health/micro-cheating 

Welss, R. (July 12, 2021). How Partners Can Cheat Without Cheating. Psychology Today. https://www.psychologytoday.com/us/blog/love-and-sex-in-the-digital-age/202107/how-partners-can-cheat-without-cheating#:~:text=But%20what%20about%20%E2%80%9Cmicro%2Dcheating,without%20actually%20being%20physically%20unfaithful.%E2%80%9D