ALAMIN ANG KAHIT NA ANONG BAGAY TUNGKOL SA KALUSUGANG SEKSUWAL AT REPRODUKTIBO

Pagdurugo Pagkatapos ng Pagtalik

Bleeding After Sex

Katatapos mo lang makipagtalik, at pagkatingin mo sa kumot may mga bahid ng dugo kahit hindi ka pa dapat rereglahin — ano kaya ‘to?

Nakakataranta ang pagdurugo ng pwerta pagkatapos ng pagtatalik, pero talagang pangkaraniwan ito. Kadalasang walang kailangan ikabahala, ngunit may iba pang mga sanhi na maaaring kailanganin ng agarang atensyong medikal.

Mga Sanhi

Mayroong mahabang listahan ng mga posibleng sanhi ng pagdurugo ng pwerta pagkatapos ng pagtalik. Sa palagay mo ba anuman sa mga ito ay umaangkop sa iyong sitwasyon?

  • Priksyon at kiskisan ng mga katawan sa panahon ng pagtalik
  • Hindi sapat na pampadulas o foreplay
  • Vaginal dryness (atrophic vaginitis) dahil sa pagbawas ng mga vaginal secretions pagkatapos ng menopos
  • Regla
  • Cervical cancer (sa mga bihirang kaso)
  • Cervical ectropion, isang kondisyon kung saan ang panloob na lining ng serviks ay umuusli mula sa pagbubukas ng serviks at lumalago sa panig ng serviks sa bandang pwerta.
  • Cervical polyps, na benign (hindi naghahantong sa kanser) at lumalago sa serviks
  • Cervicitis, na pamamaga ng serviks
  • Endometrial cancer (kanser sa uterine lining)
  • Mga sugat sa ari mula sa mga sexually transmitted infection (STI) tulad ng buni sa ari (genital herpes) o syphilis
  • Pinsala sa uterine lining (endometrium) sa panahon ng pagtalik, lalo na sa mga babae na gumagamit ng kontraseptibong pildoras
  • Pelvic inflammatory disease (PID)
  • Kanser sa pwerta (sa mga bihirang kaso)
  • Vaginitis

Anong gagawin

Maaaring hindi mo kailangang kumunsulta sa doktor kung: wala ka pa sa menopausal stage; hindi naman tuwing magtatalik nakakaranas palagi ng pagdurugo pagkatapos, at; normal ang iyong mga resulta sa Pap smear at pagsusuri para sa mga STI.

Kung nababahala o kung sa palagay mo ay nalantad ka sa isang STI, pumunta sa iyong doktor para masuri. Maaari kang tatanungin at sumailalim sa ilang pagsusuri depende sa iba pang mga sintomas at kasaysayang medikal.

Para sa mga babaeng postmenopausal, mabuting makita ang iyong doktor sa lalong madaling panahon upang masuri ang sitwasyon.

Pag-iwas

Matapos makakuha ng tamang diagnosis mula sa doktor, bibigyan ka ng mga opsyon para sa paggamot depende sa natuklasan.

Para sa pagdurugo ng pwerta na dulot ng priksyon o kakulangan ng pampadulas, ang paggamit ng personal na pampadulas sa panahon ng pagtalik ay maaaring maiwasan na mangyari ito muli. Inirerekumenda namin ang paggamit ng pampadulas na gawa sa tubig tulad ng EZ Lubricating Jelly. Maaari itong magamit para sa karamihan sa sekswal na aktibidad, bawasan priksyon at kiskisan, at dagdagan ang kasiyahan at pandamdam sa panahon ng pagtalik. Ang paggamit ng condom ay inirerekumenda din upang maiwasang makakuha ng mga STI at upang mabawasan ang priksyon.

Mga pinagmulan:

https://www.webmd.com/women/bleeding-after-sex#1

https://www.nhs.uk/common-health-questions/womens-health/what-causes-a-woman-to-bleed-after-sex/

https://www.mayoclinic.org/symptoms/bleeding-after-vaginal-sex/basics/definition/sym-20050716

Please follow and like us:

2 thoughts on “Pagdurugo Pagkatapos ng Pagtalik

  1. Doc ako po nakakaranas po ako ng pagdurugo hanbang bagtatalik kami ng mister ko minsan po masakit din balakang ko nagumpisa po ang pag dugo nung Dec2019 minsan po nagdurugo minsan naman po wala isang beses lang po ako nakapag patingin sa ob.wala po kase sapat n budget..ano po kaya eto di naman po nasakit habang nagtatalik kami may dugo lang po after po namin mag sex,pero wala po akong regla…ano po dapat kung gawin..salamat

    1. Hi Aiza! Maraming posibleng sanhi ng pagdurugo pagkatapos makipagtalik. Pwedeng kondisyon, impeksyon, o kaya priksyon at kiskisan. Baka makatulong sa inyo ang paggamit ng water-based lubricant gaya ng EZ Lubricating Jelly para mabawasan ang priksyon at pagsusugat. Iwasan rin muna magtalik habang hindi pa naghihilom ang mga sugat, na dapat kusang gumaling sa loob ng ilang araw. May ibang sintomas pa po bang nararanasan? Gaano katagal ang pagdurugo? Laging siguraduhin na malinis ang ari sa pamamagitan ng paghugasan nito araw-araw, at umiwas magsuot ng masisikip na damit. Kung malakas, lumakas o kaya’y tumagal na ng ilang araw ang pagdurugo, o palagi kang nakakaranas ng pagdurugo pagkatapos magtalik, dapat nang magpunta sa obgyn upang magpasuri. Basahin po ito: https://doitright.ph/tl/pagdurugo-pagkatapos-ng-pagtalik/

Mag-iwan ng Tugon

Ang iyong email address ay hindi ipa-publish. Ang mga kinakailangang mga field ay markado ng *

Modal's Close Icon