ALAMIN ANG KAHIT NA ANONG BAGAY TUNGKOL SA KALUSUGANG SEKSUWAL AT REPRODUKTIBO

Maaari Bang Magbulalas Ang Mga Babae?

Ejaculate, Women, Orgasm, Climax, Reproductive Health

Ang pagbulalas ay ang biglaang o kusang paglabas ng likido (tulad ng semilya sa panahon ng orgasmo) — ngunit ang mga lalaki lang ba ang maaaring magbulalas?

Saan nagmula ang lahat?

Nagkaroon na ng mga usap-usapan tungkol sa pagbulalas ng babae mula pa noong sinaunang panahon, ngunit nananatili pa rin itong isang misteryo na nakakikiliti sa ating isip. Maraming mga sinaunang teksto mula sa buong mundo ang nagtatalakay tungkol sa bagay na ito, at tinalakay ito mula sa iba’t ibang mga pananaw.

Sa Tsina, ang klasikal na tekstong Taoist na “Secret Instructions Concerning the Jade Chamber” ay nagsasabi na kapag ang “ari ng babae ay naglabas ng likido,” nangangahulugan ito na “nasiyahan na siya.” Sa kabilang banda, ang Kamasutra na sinulat noong mga 200-400 AD ng iskolar ng India na si Mallanaga Vatsyayana ay nagsabi na “ang semilya ng babae ay patuloy na umaagos” habang nagtatalik.

Tinalakay rin ng mga sinaunang teksto mula sa kanlurang bahagi ng mundo ang pagbulalas ng babae. Sina Hippocrates ng Cos, — ang “ama ng medicina” — Aristotle, at Claudius Galenus ng Pergamum ay tinalakay ang pagbulalas ng mga babae sa medikal na perspektibo, na parehong lalaki at babae ang maaaring makaranas ng pagbulalas sa pagtatalik.

Hindi ba ito ihi lamang?

Sa loob ng maraming taon, ang pananaw ng mga eksperto sa pagbulalas ng babae ay problema lamang ito sa pagpigil ng ihi. Gayunpaman, mayroong mga pananaliksik na nagpapatunay sa pagkakaroon ng prosteyt at pagbulalas ng babae.

Kinumpirma ng isang doktor mula sa Scotland ang pagkakaroon prosteyt sa mga babae, at pinangalanan itong Skene’s gland. Ito ang glandula na responsable sa paggawa ng likidong binubulalas ng babae. Natagpuan ito sa bandang harap ng ari, malapit sa ibabang dulo ng yuritra (urethra).

Ipinakita ng mga pag-aaral na ang mga babae ay talagang nagbubulalas, at nakakaranas ng dalawang uri:

  • Squirting fluid: karaniwang walang kulay at walang amoy, at marami-rami.
  • Ejaculate fluid: malapot at parang gatas, kahawig ng semilya.

Sa isang kamakailang eksperimento, ang mga mananaliksik ay gumamit ng mga ultrasound upang patuloy na subaybayan ang mga kalahok na babae sa buong proseso. Bago ang pagpukaw na sekswal, ang mga pantog ng mga kalahok ay walang laman. Ang kanilang mga pantog ay mabilis na napuno muli sa paglapit sa orgasmo, at mabilis din na nawalan ng laman nang pagkabulalas. Bagaman ang ejaculate fluid na inilabas ng mga kalahok ay lumabas mula sa yuritra at mukhang ihi, ang ejaculate ng babae at ihi ay hindi eksaktong magkatulad.

Ano ba talaga ito?

Sinuri ng mga mananaliksik ang mga nilalaman ng ejaculate ng babae, at natuklasan na naglalaman ito ng prostatic acid phosphatase (PSA). Ang semilya ng lalaki ay naglalaman din ng PSA, na siyang enzyme na tumutulong sa paggalaw ng esperma.

Ang Fructose, isang anyo ng asukal, ay kadalasang matatagpuan sa ejaculate ng babae. Ang semilya ng lalaki ay karaniwang naglalaman din ng fructose na nagsisilbing mapagkukunan ng enerhiya para sa esperma.

Naniniwala ang mga eksperto na ang mga Skene’s gland ay gumagawa ng PSA at fructose sa ejaculate ng babae.

Ano ang pakiramdam nito?

Ang mga babae ay maaaring o hindi maaaring mag-ejaculate sa pagtalik, at hindi ito dapat gamitin bilang isang pagsukat kung nasiyahan siya o kung gaano kagaling ang kanyang kasosyo. Ang pagbulalas ng babae ay normal at maaaring karaniwan, ngunit hindi ito madalas na pinaguusapan.

Sinasabi ng mga babaeng nakakaranas ng pagbulalas na nararamdaman nila ang pagbuo ng mainit na presyon sa loob nila, at ang matinding pagpapakawala sa pagbulalas. Sinabi rin nila na ang likido ay lumalabas nang isang bulwak sa halip na tuluyang daloy. Ang pagbulalas daw para sa kanila ay nakakapagparamdam sa kanila ng pagiging mas malapit at bukas sa kanilang kasosyo.

Naniniwala ang ibang babae na may kinalaman ang kanilang siklo ng regla sa kanilang kakayahang magbulalas. May mga babae na nagsasabi na mas madalas silang magbulalas pagkatapos ng obulasyon at bago ang regla, at mayroon ding mga babae na hindi nakakakita ng anumang koneksyon. Kailangan pa ng karagdagang pananaliksik upang kumpirmahin kung konektado o hindi ang siklo ng regla at ang kakayahang magbulalas.

Oo, ang mga babae ay maaaring magbulalas, ngunit hindi ito lamang ang layunin ng babae sa pagtalik — hindi rin sila dapat inaasahang magbulalas. Ang ilan ay maaaring, habang ang ilan ay hindi. Ang kasiyahang sekswal ay nag-iiba sa mga babae, at ang mahalaga ay masiyahan sila at maabot ang kanilang mga pangangailangan!

Mga Pinagmulan:

https://pdfs.semanticscholar.org/9627/2d97d3ec2c3f403de0877906a71b47fbe1ce.pdf

https://www.mcgill.ca/oss/article/health-history/can-women-ejaculate-depends-who-you-ask

https://www.medicalnewstoday.com/articles/323953.php#is-it-real

https://www.cosmopolitan.com/sex-love/a34652/sex-talk-realness-squirting/

https://www.bbc.co.uk/bbcthree/article/544c5686-e3bc-4ac2-b4ca-f91eccefe441

Please follow and like us:

Mag-iwan ng Tugon

Ang iyong email address ay hindi ipa-publish. Ang mga kinakailangang mga field ay markado ng *

Modal's Close Icon