Ang labis na masakit na mga regla dahil sa pagpulikat ng matris, o dysmenorrhea, ay maaaring mahati sa dalawang uri:

• Primary dysmenorrhea. Pananakit na hindi sanhi ng isang sakit o ibang kondisyon.
• Secondary dysmenorrhea. Pananakit na dulot ng isang sakit o kondisyon.

Sa primary dysmenorrhea, ang mga banayad na sintomas ay karaniwang pagduduwal, pagsusuka, pananakit ng ulo, pananakit ng likod, pagtatae, at malubhang pananakit ng puson kapag mayroon kang regla, na karaniwang tatagal lamang nang isa o dalawang araw.

Ang secondary dysmenorrhea ay sanhi ng ilan sa mga sumusunod na sakit:

• Endometriosis, isang kondisyon kung saan nagsisimula ang tisyu ng endometrium na lumago sa labas ng matris.
• Mga fibroid, pagtubo ng mga selula sa labas, sa loob, o sa dingding ng matris.
• Cervical stenosis, masyadong maliit ang pagbubukas ng matris.
• Tansong IUD (IUD).
• Pelvic inflammatory disease (PID).
• Premenstrual syndrome (PMS).
• Mga sexually transmitted infection (STI).
• Stress at pagkabalisa.

Para sa lahat ng mga kundisyong ito, kakailanganin mo ang isang doktor upang masuri at makakuha ng pinakamabuting paggamot.

Kung nakakaranas ka ng pananakit ng puson, narito ang ilang mga payo para mabawasan ang sakit:

• Init. Kung mayroon kang mainit na bote ng tubig o heating pad, ilagay ito sa iyong puson at ibabang bahagi ng likod. Maaari ring maligo sa mainit na tubig para maginhawaan.
• Masahe. Magmasahe nang magaan, at paikot ng puson gamit ang mga daliri.
• Umpisahan ugaliin ang mga paraan ng pampahinahon tulad ng pagwawari o yoga.
• Uminom ng maraming tubig. Makakatulong ito na maiwasan ang masakit na pagdurugo.
• Mga bitamina. Subukan ang bitamina B6, calcium, at suplementaryong magnesium, lalo na kung ang iyong mga pananakit ay dahil sa PMS.
• Subukan ang over-the-counter na gamot na iwas-pamamaga, tulad ng ibuprofen na tumutulong na mapawi ang pananakit. Simulan uminom nito sa araw bago ang iyong regla ay inaasahan na magsisimula, at magpatuloy na gawin itong regular para sa mga unang ilang araw ng iyong regla.
• Uminom ng hormonal na kontraseptibong pildoras. Maaaring maging kapaki-pakinabang ito upang maparegular at mapagaan ang regla, at bawasan ang mga sintomas ng PMS, kabilang ang pananakit ng puson.
• Ehersisyo. Ang pag-eehersisyo ay humihimok sa katawan na maglabas ng mga endorphin, ang hormon na nakakapagpagaan ng pakiramdam. Ngunit, ang mga endorphin ay hindi nakakapawi ng pananakit; tinutulungan ka niya mawala ang isip at pokus sa sakit.

Pinagmulan:

https://my.clevelandclinic.org/health/diseases/4148-dysmenorrhea