fbpx

ALAMIN ANG KAHIT NA ANONG BAGAY TUNGKOL SA KALUSUGANG SEKSUWAL AT REPRODUKTIBO

Ligtas bang Gumamit ng Kontraseptibo Habang Nagpapasuso?

breastfeeding, contraceptive, progestin-only pills, IUD, intrauterine device, daphne, Securit-T IUD, family planning, reproductive health

Pagkatapos manganak, posibleng mabuntis na uli kahit nagpapasuso at hindi pa dinadatnan ng regla. Kaya mainam na pag-isipang gumamit ng postpartum contraception kung ‘di ka pa uli handa na mabuntis.

Oo, ligtas naman na gumamit ng kontraseptibo kahit nagpapasuso. Ngunit, may ilang bagay ka na dapat malaman.

Kailan magsisimula

Depende sa mapipili mong kontraseptibo, maaaring magsimula 21 araw (3 linggo) pagkatapos manganak. Ngunit, karaniwang inirerekumenda ng mga doktor na magsimula pagkatapos ng anim na linggo.

Mga kontraseptibo

Kung nagpapasuso, maaaring gumamit ng copper IUD or injectable bilang kontraseptibo. Ang mga ito ay hindi sagabal, epektibo, ligtas para sa mga bagong ina, at mainam na gamitin habang nagpapasuso. Sa katunayan, pwedeng magpalagay na ng postpartum IUD (PPIUD) pagkatapos manganak.

Mayroon ding progestin-only pills, na ligtas rin para sa mga nagpapasusong ina. Karaniwan itong inirerekumenda sa mga nagpapasusong ina dahil ang progestin ay hindi nakakaapekto sa lactation at dami ng gatas, ‘di tulad ng estrogen.

Huling paalala

Mangyaring tiyaking kumunsulta sa isang tagapagbigay ng serbisyong pangkalusugan bago simulan ang paggamit ng kahit anong kontraseptibo. Tutulungan ka nila na matukoy ang nababagay na kontraseptibo sa’yo, at gagabayan ka sa tamang paggamit nito.

Pinagmulan:

https://www.webmd.com/sex/birth-control/birth-control-breastfeeding#1

Please follow and like us:

Mag-iwan ng Tugon

Ang iyong email address ay hindi ipa-publish. Ang mga kinakailangang mga field ay markado ng *

Modal's Close Icon