Nangangati ba ang mga bayag mo? Maaari hindi ito nakakabahala agad pero ito’y pwedeng senyales ng malalang problema o kinakailangan mo nang magpalit ng briefs.
Ang problemang ito ay hindi bihira, kung saan ang pang-araw-araw na gawain ay maaaring magdulot nito. Ito ay maaaring isawalang-bahala, kahit na gaano pa ito nakakairita.
Pero hindi pa rin mawawala na maaari itong sintomas ng posibleng sexually transmitted infection (STI) o iba pang kumplikasyon.
Tingnan natin ang mga posibleng dahilan ng makating bayag.
Mababang Kalinisan
Ang pawis ay maaaring magdulot ng pagkati, lalo na kung ika’y gumawa ng pisikal na aktibidad tulad ng pagtakbo, jogging, o mga trabahong manwal. Ang hindi pagpapalit ng underwear (lalo na kung pawisan) ay maaaring magdulot ng pangangati.
Ugaliin ang pagkakaroon ng mas malinis na hygiene sa pamamagitan ng pagligo araw-araw at pagpapalit sa malinis na damit ay malaking bagay upang mabawasan ang tsansa ng pangangati ng ari.
Kung sakaling ang pangangati ay magpatuloy, ilista kung ano pa ang ibang nararamdaman at ipakunsulta sa doktor.
Chafing
Ang chafing ay resulta ng matagalan na kiskisan ng balat sa damit, kadalasan ay resulta ng pangmatagalan na pisikal na aktibidad tulad ng pagtakbo, pagbisikleta, o kahit paglalakad.
Nagreresulta ito ng iritasyon sa apektadong lugar. Makikita ring ang lugar na ito na namumula at kakaibang pakiramdam sa balat. Sa malalang kaso, maaari itong magdulot ng mga maliliit na sugat na may kaunting pagdurugo.
Ang kondisiyong ito ay madaling magamot sa pamamagitan ng pagamit ng losyon o pulbohan ang apektadong lugar. Kung nagsugat, lagyan ng bendahe para maiwasan ang impeksyon iba pang iritasyon at hayaang gumaling ng kusa.
Allergy
Ang pangangati ng iyong bayag ay maaaring mula sa allergy na marahil ay hindi mo alam na mayroon ka o hindi mo lang napansin. Maaari itong galing sa iyong sabon, losyon, o iba pang ginagamit mo sa balat. Maaari ring sa damit mo o underwear.
Subukang tingnan ang mga ginamit na materyales o ingredients ng mga ginagamit mo sa balat mo o maghanap ng kapalit na damit. Kung magpapatuloy ang pangangati, ipatingin na sa doktor o medikal na eksperto.
Hadhad
Isa ito sa mga madalas na dahilan kung bakit makati ang bayag. Ang hadhad ay mula sa isang fungi na nabubuhay sa mga mabasa-basang lugar tulad ng ari, puwit, singit, at pagitan ng puwit.
Ang hadhad ay madaling magamot ng mga nabibiling antifungal cream sa mga botika. Ngunit, kung nagpatuloy ang pangangati pagkatapos gumamit nito, ipakunsulta na sa doktor.
Candidiasis
Ang kondisiyong ito ay isa sa mga madalas na impeksyong fungal na maaaring mangyari sa iyong ari. Ito ay galing sa “candida fungi”, isang uri ng fungi na nakatira sa intestine ng tao.
Kapag ang fungi na ito ay nawalan ng kontrol, ito ang nagiging dahilan ng candidiasis. Para sa mga babae, ito rin ay nagdudulot ng “yeast infection”, kaya siguradong makati ito kapag naipasa sa bayag ng lalaki. Mas mabuting magpakunsulta sa doktor upang mabigyan ng karampatang gamot.
Kuto sa bulbol o crabs
Ang kuto sa bulbol (o mas kilala bilang crabs) ay ang mala-abong kuto na tumitira sa buhok sa ari, sa palibot ng ari, at iba pang magaspang na buhok sa katawan.
Ito ay naipapasa sa pakikipagtalik o ang paggamit ng mga kagamitang kontaminado nito tulad ng tuwalya at briefs.
Madali itong magamot ng mga nabibiling pangtanggal ng kuto sa botika o mga gamot na preskripsyon ng doktor. Kakailanganin mo pa ring suklayin paalis o kalbuhin ang iyong bulbol upang maalis ang mga patay na kuto at ipagawa rin ito sa iyong kapareha.
Kulugo sa ari
Ang kulugo sa ari ay isang sexually transmitted disease na madalas ay dahil sa human papillomavirus (HPV). Madalas itong nakikita sa paligid ng ari at sa singit.
Ang mga kulugong ito ay nagdudulot ng pangangati. Ito rin ay maaaring masyadong maliliit at maaaring hindi mo mapansin kahit itong kumalat at dumami na.
Maaari itong magamot ng mga ointment na sasabihin ng iyong doktor, kaya ipakunsulta ang mga ito para makakuha ng preskripsyon.
Gonorrhea
Ang gonorrhea ay isa sa mga kilala at madalas na sexually transmitted infection at maaaring magdulot ng pangangati at pamamaga ng iyong bayag. Maaari rin itong kumalat sa bibig, lalamunan, puwit, at iba pang parte ng ari.
Isa pa sa sintomas nito ay ang sakit o parang nasusunog na pakiramdam kapag umiihi, ibang kulay na inilalabas ng ari, at pananakit ng bayag (lalo na kung paisa-isa).
Mapapagaling ito ng mga gamot na kailangan ng preskripsyon, pero dapat ay maipagamot ito agad upang maiwasan ang permamenteng pinsala tulad ng pagkabaog.
Chlamydia
Ang chlamydia ay isa ring madalas na sexually transmitted infection na naipapasa sa pakikipagtalik ng walang proteksyon. Ito ay dinudulot ng bacterial infection.
Maaari nitong gawing namamaga at makati ang bayag ng lalaki, pati na rin pananakit ng ari kapag umiihi, kakaibang kulay na inilalabas ng ari, at pagdurugo o pagtulo ng likido ng puwit.
Ang impeksyong ito ay mapapagaling ng mga tamang gamot. Kumunsulta sa iyong doktor upang maibigay ang tamang gamot. Sa kasamang palad, habang ginagamot ito ay inaabisuhang huwag muna makipagtalik ang pasyente ng isang linggo o higit pa.
Trichonomiasis
Trichonomiasis o trich ay isang sexually transmitted infection na idinidulot ng bacteria na tinatawag na “trichomonas vaginalis”. Kahit na mas madalas sa mga babae, ang impeksyon na ito ay maaaring maipasa sa hindi protektadong pakikipagtalik.
Nagdudulot ito ng pamamaga at iritasyon sa parte na may impeksyon. Ito rin ay nagdudulot ng pangangati ng loob ng ari ng lalaki, kakaibang kulay na likidong inilalabas, at sakit kapag umiihi o nilalabasan.
Sa ilang mga paggagamot, pwede itong mapagaling. Kakailanganin mong ipakunsulta sa iyong doktor ito upang mabigyan ng karampatang gamot. Hindi ka rin makikipagtalik ng isang linggo habang ginagamot ito.
Herpes
Ang herpes ay isang pangkaraniwang uri ng sexually transmitted disease na maaaring maipasa sa pamamagitan ng hindi protektadong pakikipagtalik o sa pagdikit sa balat.
Kaya nitong gawing napakakati ang ari at ang bayag. Maaari rin itong magdulot ng pagkapagod, parang nasusunog na pakiramdam kapag umiihi, at magkaroon ng paltos sa ari.
Para magamot ang herpes, kinakailangan nito ng mga gamot na inirereseta ng doktor. Kahit na gumaling na ito, kakailanganin pa rin ng pangmatagalan na paggagamot upang maiwasan ang paglala nito.
Scabies
Scabies ay isang impeksyon na dinudulot mga maliliit na insektong “Sarcoptes scabiei”. Maaari itong makuha kung didikit ka sa taong mayroon nito.
Maaari itong magdulot ng pangangati at pagpapantal, hindi lamang sa iyong ari, pati na rin sa parte ng katawan na dadapuan nito. Aktibo rin ang mga ito tuwing gabi, kaya asahang lalong mangangati ang mga parteng apektado nito sa ganitong oras.
Ang mga doktor ay maaari kang resetahan ng ointment, losyon, o cream upang gamutin ito.
Konklusyon
Ang pagkakaroon ng kalinisan sa katawan ay malaking bagay upang maiwasan ang pangangati ng bayag, lalo na sa mga lalaking laging may ginagawang pisikal o trabaho nang pangmatagalan, tulad ng mga atleta at bodybuilder.
Magandang ideya rin na binabantayan ang sariling sekswal na kalusugan. Bantayan ang mga naging kapareha sa pakikipagtalik at ipakunsulta agad sa doktor kung ano man ang nararamdamang kakaiba.
Pinagmulan:
https://www.healthline.com/health/itchy-balls#treatments
https://www.menshealth.com/health/a19536913/itchy-crotch/
https://www.medicalnewstoday.com/articles/319086.php#treatment
Hello po ask ko png po atungkol sa problema ng aking anak na binata.isang gabi bigla nlng sumakit sikmura katugon sa may puwitan,pagka ilang oras ay biglang nangati ang ilalain ng kanyang bayag o itlog.Hangang sa ngayon nangangati at namumula mula na ilalim.
Tulungan nio po aq 16yo plng po binata ko.
Hi Neil Zynab! Ang pinakamabuting gawin ay ipakunsulta ito sa doktor na malapit sa inyo. Ilista po ninyo ang mga sintomas na nararamdaman ng anak niyo at sabihin ang lahat ng ito sa inyong doktor. Makakatulong din kung malalaman niyo kung nagkaroon ng kahit anong sexual contact ang inyong anak.
Dok sa may malapit sa pwit sa pinsan ko pataas sa bayag parang linya aya, pati yung mga pinagtutubuan ng urmot meron ding kati kati dun , nagshave daw sya from the day na maramdamankong nangangati na which is 2 days ago, pero hanggang ngayon meron parin notce please
Hi Jayson Guiao! Maaaring nagkaroon ka ng reaksyon noong nag-shave ka, lalo na kung gumamit ka ng mga shaving cream o kung ano man. Kung hindi gumaling ng kusa, ipatingin sa iyong doktor upang malaman ang iyong kalagayan at mabigyan ka ng karampatang paggamot.
Dok ,,yung pngangati ko matagal n ito halos lahat ng gamot ay nsubok ko na ,,,gagaling tapos babalik ulit ang pngngati ng itlog ko at natutuyo ang balat ,,gagaling sa gamot ngunit pgkaraan ng ilang araw ay muling babalik ang pngangati at pnunuyo ng balat ?
Hi Rdznhel! Mabuting ipakunsulta mo ito sa iyong doktor upang mabigyan ka ng tamang panggagamot dito. Sabihin mo din ang iba mo pang nararamdaman upang mas makasiguro sa iyong kalagayan.
Hellopo ang ari ko po at parang may nakapalibot na bilog2x n parang buni.tapus po yung banda sa duli ng ari ko sa loob as my right side parang may lamog sa loob po ng butas ng ari ko.midyo makiliti ang dugo nya tapus minsan yung balakang ko midyo masakit kunti at minsan masakit ang kasokasoan ko.ano po kaya ito
Hi Twinkle danag! Ipatingin na ito sa iyong doktor. Ilista ang mga nararamdamang ito at ang iba mo pang nararamdaman at sabihin sa iyong doktor upang malaman ang iyong kalagayan.
Doc may parang balat po na puti ung itlog ko pag hinihilud naman ppo nawawala tapos po kinabukasan meron na naman uli ano po kaya iyon?
Hi Ian! Marami ang maaaring dahilan nito. Pwedeng maging sa damit mong sinusuot o isang impeksyon. Ilista ang mga nararamdaman at ipatingin sa iyong doktor.
Hi po doc. Ask ko lng po bali sng partner ko arang nasugat konti ang ari niya isang sugat na maliit po d daw makati pero pawala na sya ano po b yun? Bali nag babike po parati partner ko papunta work po sana masagot po salamat
Hi Hanna! Maaaring gasgas lang ito mula sa pag-bike niya papunta sa kanyang trabaho. Marahil ay malayo ang kanyang trabaho sa inyong bahay. Kung lumala o kaya’y hindi nawawala ang pananakit, ipatingin na sa doktor.
Kahapon po medio Makati bayag ko hangang kinamot ko ,,lalo na SA Gabi,,nung tiningnan ko may mga Pula.pula cia na bilog bilog kalat cia ,,tapos naligo ako napansin ko Meron na din SA bandang bewang ko,,,bumili ako. G bl cream na may sankap na kerotisole..nakakatilong po ba ito,,tinitis Jo wag Kamutin,,,ang GA.ut ko po din sabon ay lifebuoy saka kinukos ko cia maigi,,,,wala po bang iinumin para ditong gamot..
Hi Israel Ramos! Mahirap matukoy ang nararamdaman mo dahil ang pangangati ng itlog ay maraming dahilan tulad ng naisusulat rito. Ipatingin mo muna ito sa iyong doktor. Huwag mo rin lagyan ng cream o uminom ng gamot kapag hindi ka pa nakapagpatingin sa iyong doktor upang hindi lumala.
Anu po ba dapat gawin ko medyo matagal na po itong pangangati ng ari ko ‘tapos parang may mga butlig butlig sa loob natatakot po ako para sa kalusugan ko di naman po ako basta basta umiinum ng gamot or naglalagay ng mga kung anu anu baka kasi maimpeksyon ako tsaka natatakot po ako kasi lalo na buntis ako 🙁 sana po matulungan niyo ako
Hi Mary Grace! Araw-araw po ba kayo naghuhugas ng ari at nagpapalit ng panty? Mabuti pong makipag-ugnay sa inyong OB-GYN para mapayuhan sa angkop na gamot para sa iyo.