fbpx

ALAMIN ANG KAHIT NA ANONG BAGAY TUNGKOL SA KALUSUGANG SEKSUWAL AT REPRODUKTIBO

Proseso ng Siklo ng Regla

Mens, Menstrual Cycle, Female

Ang siklo ng regla ay ang buwanang hormonal na siklo na nararanasan ng katawan ng babae bilang paghahanda para sa posibilidad na pagbubuntis.

Kapag regular ang siklo ng iyong regla, ibig sabihin nito na malusog ang iyong katawan. Ang siklo ng regla ay nagbibigay ng mga mahahalagang kemikal (na tinatawag na mga hormones) para manatili kang malusog, at hinahanda ang iyong katawan para sa posibleng pagbubuntis.

May apat na bagay na tinitignan para matukoy kung normal ang iyong siklo ng regla. Ito ay ang:

Kadalasan. Ang normal na dalas ng regla ay kada-24 hanggang 38 araw.

Regularidad. Kapag tinitingnan ang regularidad, ang haba ng siklo ay depende sa bilang ng araw mula sa simula (unang araw) ng regla hanggang sa simula (unang araw) ng susunod na regla.

Tagal. Ang normal na tagal ng pagdurugo sa isang siklo ay hindi lalagpas sa walong araw.

Dami. Walang tiyak na rami na tinataguriang normal, basta hindi ito nakakahadlang sa pisikal, sosyal, at emosyonal na estado, at kalidad ng buhay.

Ang buong siklo ng regla ay nahahati sa dalawang yugto, at ito ay ang follicular at luteal phase.

Follicular Phase

Nagsisimula ang yugtong ito sa unang araw ng regla, at natatapos sa araw bago ang pagtaas ng antas ng luteinizing hormone (LH).

1-5 Araw

Kapag walang pagbubuntis, ang kumapal na uterine lining ay kailangan maalis. Lalabas ito ng katawan bilang regla sa pamamagitan ng pwerta.

Ika-14 na araw

Kada buwan, ang isang obaryo ay maglalabas ng isang egg cell. Itong egg cell ay dadaloy sa fallopian tube, patungo sa matres.

Ang tawag sa panahong ito ay ovulation, o kilala bilang fertile days, kung saan napakataas ng tsansa na mabuntis.

Luteal Phase

Nagsisimula ito sa pagtaas ng antas ng LH, at natatapos sa unang araw ng susunod na regla.

Ikaw-15 hanggang 28 araw

Kumakapal ang uterine lining bilang paghahanda sa napertilisang egg cell. Kung walang pagbubuntis na nangyari at hindi napertilisa ang egg cell, malulusaw lang ito sa reproductive tract.

Mga pinagmulan:

https://www.nhs.uk/conditions/periods/fertility-in-the-menstrual-cycle/

https://www.healthline.com/health/womens-health/stages-of-menstrual-cycle#follicular

https://www.sciencedirect.com/topics/medicine-and-dentistry/menstrual-cycle

https://fphandbook.org/menstrual-cycle

Please follow and like us:

Mag-iwan ng Tugon

Ang iyong email address ay hindi ipa-publish.

Modal's Close Icon