Mga siz, sigurado kaming nag-alala ka noong nakaranas ka ng pagdurugo sa mga araw na hindi ka pa dapat datnan ng regla — pamilyar ba? Iyon ay maaaring pagdurugo sa obulasyon (ovuation bleeding).
Ang pagdurugo sa obulasyon ay magaan na pagdurugo (spotting) na naranasan mo sa panahon ng obulasyon mo. Ito ay maaaring mangyari sa araw mismo, o sa araw bago o pagkatapos ng obulasyon.
Ang obulasyon ay ang paglabas ng obaryo ng selulang itlog. Ang mga pagbabago sa mga antas ng estrogen ay madalas na nagdudulot ng pagdurugo, na kung minsan ay tinutukoy rin ng mga tao na “estrogen breakthrough bleeding”. Ito ay hindi pangkaraniwan sa mga kababaihan, ngunit ang pagdurugo sa obulasyon ay karaniwang hindi tanda ng anumang seryosong kondisyon.
Paano matukoy ang pagdurugo sa obulasyon
Kung nakakaranas ka ng spotting sa kalagitnaan ng iyong siklo ng regla, maaaring pagdurugo sa obulasyon ito. Kadalasang nangyayari ang obulasyon sa paligid ng ika-11 at 21 na araw pagkatapos ng unang araw ng iyong huling regla, ngunit maaaring mag-iba ito depende sa haba ng siklo ng bawat babae.
Ang spotting ay karaniwang mas magaan kaysa sa regla, ngunit ang kulay nito ay maaaring magbigay ng mga pahiwatig kung ano ang sanhi nito dahil ang bilis ng daloy ng dugo ay tumutukoy sa kulay. Ang pagdurugo sa obulasyon ay maaaring may pagkarosas o pula ang kulay. Kapag ito ay kulay rosas, iyon ay isang senyas na ang dugo ay may kahalong likido ng serviks (cervical fluid). Iyon ay dahil ang mga babae ay karaniwang gumagawa ng mas maraming cervical fluid sa panahon ng obulasyon.
Iba pang mga uri ng pagdurugo
Ang pagdurugo sa obulasyon ay isang uri lamang ng hindi pangkaraniwang pagdurugo, ngunit kadalasan ay hindi dapat ito ikabahala.
Ang ilang mga palatandaan ng pagdurugo sa panahon ng obulasyon ay:
- Pagdurugo sa panahon ng obulasyon
- Ang pagdurugo ay nangyayari lamang isang beses bawat buwan, sa halos pare-parehong panahon.
- Kusang tumigil ang pagdurugo sa loob ng ilang araw, at hindi ito mabigat o masakit.
Ang hindi pangkaraniwang pagdurugo na hindi umaangkop sa pattern na ito ay baka may iba pang sanhi. Ang mga babaeng hindi regular ang siklo ng regla ay maaaring mahirapan matukoy ang pagkakaiba sa pagitan ng hindi pangkaraniwang pagdurugo at ng normal na buwanang regla. Mabuting kumunsulta sa doktor upang malaman ang sanhi kung nakakaranas ka ng mga pagkakaiba sa mga siklo ng regla.
Spotting VS Regla
Kadalasang mas magaan ang spotting kaysa sa regla. Ang spotting ay mas magaan na daloy, rosas, mamula-mula, o kayumanggi ang kulay, at karaniwang tumatagal ng dalawang araw lamang. Habang ang pagdurugo ng regla ay karaniwang may sapat na bigat at dami upang kailanganin ng napkin, tampon, o menstrual cup, at karaniwang tumatagal ng halos limang araw.
Dapat na bang pumunta sa doktor?
Karaniwan, walang dapat alalahanin sa mga spotting na nangyayari sa kalagitnaan ng siklo ng regla, lalo na kung palagi ito nangyayari sa pare-parehong panahon bawat buwan. Ang obulasyon ay isang karaniwang sanhi ng spotting sa gitna ng bawat regla, ngunit hindi lamang ito ang posibleng dahilan.
Mainam na kumunsulta sa doktor kapag nakakaranas ka ng hindi pangkaraniwang pagdurugo. Kung napansin mo rin ang alinman sa mga sumusunod na sintomas, tiyak na dapat nang pumunta sa doktor:
- Mga pagbabago sa siklo ng regla. Halimbawa, dinadatnan ng regla sa loob ng mas mababa sa 21 araw o higit sa 35 araw na pagitan.
- Ang pagdurugo ay nagiging mas mabigat o mas magaan kaysa sa dati.
- Ang labis na pagdurugo, tulad ng pagpuno ng napkin sa loob ng dalawang oras o pagkakaroon ng malalaking buo-buong dugo.
- Iba pang mga sintomas tulad ng labis na pananakit kapag nireregla, hirap magbuntis, pananakit sa panahon o pagkatapos ng pagtalik, pagkahingal, pagkahilo, o pananakit ng dibdib.
- Pagdurugo pagkatapos ng menopos.
Ang pagsubaybay sa iyong siklo ng regla ay maaaring makatulong sa iyo na mapansin ang anumang mga pagbabago o abnormalidad, at magpasya kung oras na bang pumunta sa doktor. Makakatulong din ito sa doktor na matukoy kung ano ang posibleng sanhi ng hindi pangkaraniwang pagdurugo.
Mga pinagmulan:
https://www.healthline.com/health/pregnancy/ovulation-bleeding#takeaway
https://www.medicalnewstoday.com/articles/325847.php#summary
Hello po. Ako naman ponagpipills po ako.
Last october(first week) magkakaroon na dapat ako kaso hindi ako niregla. 2nd week ng october dapat iinum na ulit ako ng pills (21 tablet pills ) kaso di ako uminom kasi di ako dinatnan kasi iniisip ko na baka buntis po ako. Nagpregnacy test ako palaging negative.
Dumating po yung 1st week ng november dinatnan po ako november 4 at 5 . (Panahon po yan na dapat reglahin din ako) di pa rin po ako uminom ng pills, ngayong 6 wala na po regla. Pero nung 7 at ngayong May brown po sa panty ko. Tapos naman ngayong 8 may dugo na unti ulit sa panty ko. Ano po kaya ito.
Hi Rizza! Mas madalas ka pong makakaranas ng kakaibang spotting at irregular menstruation dahil po sa pagtigil-tigil at paglaktaw-laktaw ng paginom ng pills. Dapat po tuloy-tuloy pong iniinom ang pills, datnan man ng regla o hindi, para makaadjust nang mabuti ang katawan at matigil ang spotting. Kapag tama at tuloy-tuloy ang paginom ng pills, normal pong datnan o hindi datnan ng regla.
Ako po doc, 15 days delay. Yun lang po ang mauna unahang pagdedelay ko ng ganun katagal. Last year po 3days na ang pinaka matagal kong delay. After 15 days delay may lumabas po saking kakaunting dugo na kulay pink, kinabukasan nagdugo (more on chocolate brown color) po ako 2 days lang nahinto ng 3days then dinugo po ulit ako. Then wala napo naging brown na ulit. First time po nangyari sakin to. Salamat po
Hi Ann! Paalala lang po na HINDI po kami mga doktor. Maraming pwedeng magdulot ng mga pagbabago sa regla, at kasama rito ang ilang mga impeksyon, sakit, stress, diyeta, at biglaang pagbabago ng timbang. May ibang sintomas pa bang nararanasan? Mabuting makipag-ugnay sa obgyn para magpasuri kung ano ang sanhi at mapayuhan ka kung ano pwedeng solusyon para dito. Baka makatulong rin ito sa iyo: https://doitright.ph/tl/mga-dapat-malaman-tungkol-sa-iregular-na-siklo-ng-regla/
doc ano po kaya ang sakit ko ,dapat po reglahin po ng katapusan ng september kaso niregla po ako 3 ng october kaso patak patak lang po siya until now parang 5days na siya di naman ako ganito lagi pong normal ang means ko di rin po ako nakipag sex ano po kaya ang dapat kong gawin salamat po
Hi Maricel! Paalala lang po na HINDI kami mga doktor. Maraming pwedeng magdulot ng mga pagbabago sa regla, at kasama rito ang ilang mga impeksyon, sakit, stress, diyeta, at biglaang pagbabago ng timbang. May ibang sintomas pa bang nararanasan? Mabuting makipag-ugnay sa obgyn para magpasuri kung ano ang sanhi at mapayuhan ka kung ano pwedeng solusyon para dito. Baka makatulong rin ito sa iyo: https://doitright.ph/tl/mga-dapat-malaman-tungkol-sa-iregular-na-siklo-ng-regla/
Tapos na po ang aking regla after 2 days nag sex po kmi nang Asawa ko pagkatapos po namin mg sex nag spotting po ako kulay brown normal lang po ba Yun doc.tnx po.
Hi Meme! Paalala lang po na HINDI kami mga doktor. Maraming posibleng sanhi ng pagdurugo sa pagtatalik, pero ang karaniwang dulot nito ay priksyon at kiskisan lalo na sa penetrasyon. Baka makatulong sa inyo ang paggamit ng water-based lubricant gaya ng EZ Lubricating Jelly para mabawasan ang priksyon at pagsusugat na nagdudulot ng pagdurugo.
Tapos na po ang buwanang dalaw ko pero after 1 week or less than one week dinudugo na naman po ako, ano pubang possible season nito?
Salamat po
Hi Dorothy! Maraming pwedeng magdulot ng mga pagbabago sa regla, at kasama rito ang ilang mga impeksyon, sakit, stress, diyeta, at biglaang pagbabago ng timbang. May ibang sintomas pa bang nararanasan? Mabuting makipag-ugnay sa obgyn para magpasuri kung ano ang sanhi at mapayuhan ka kung ano pwedeng solusyon para dito. Baka makatulong rin ito sa iyo: https://doitright.ph/tl/mga-dapat-malaman-tungkol-sa-iregular-na-siklo-ng-regla/
Normal po bang magkaroon ng regla 2 beses sa isang buwan? Madalas din sumasakit puson ko tapos feeling ko may pumipitik sa tyan ko. Irregular po period ko. Buntis po kaya ako?
Hi Reychelyn! Marami ring posibleng sanhi ng iyong mga nararanasan. Mainam na makipag-ugnay sa inyong doktor para masuri at mapayuhan ka kung ano pwedeng gawin. Kung nangangambang buntis, ang tanging paraan para malaman ay mag-pregnancy test pagkalipas ng isang linggong hindi pa rin nireregla mula sa araw na karaniwang dinadatnan ka, o kaya magpasuri sa OBGYN. Basahin rin po ito: https://doitright.ph/tl/oras-na-bang-mag-pregnancy-test/
dati 5 o 6 na araw aq dinadatnan ng aking buwanang dalaw ngunit ngaung abril 3 araw na pahinto hinto at pagdating ng mayo 2 araw pati buwan ng hunyo 2 araw sakto dalawang araw humihinto na siya sana po masagot nyu aq maaari po bang buntis aq
Hi Vanessa! Kung nangangambang buntis, ang tanging paraan para malaman ay mag-pregnancy test o magpasuri sa OBGYN. Basahin rin po ito: https://doitright.ph/tl/oras-na-bang-mag-pregnancy-test/